2 Cr 26:22 - Chuj San Sebastian Bible

²² Ax jantcto yab'xil tas 'ix 'el sb'on Ozías, yictax x'el yich, masnto 'a slajub', 'ix stz'ib'j can Isaías, atn schecb' Dios yunnal Amós.

Chuj San Mateo Bible

²² A jantacto yab'ixal vin̈aj rey Uzías chi', ayic ix el yich masanto ix lajvi, tz'ib'ab'ilcan yuj vin̈aj Isaías schecab' Dios, vin̈ yuninal vin̈aj Amoz.

2 Cr 26:22 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n 'ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías yunnal Amós.

2 Cr 12:15

Ax jantcto yab'xil Roboam yictax 'ix 'el yich masnto 'a slajub', ata tz'ib'b'il can 'a ch'an̈ libro yic yab'xil eb' sreyl Judá yuj eb' schecb' Dios, atn Semaías yet' Iddo. Xya'n̈j Roboam owl yet' Jeroboam.

2 Cr 25:26

Ax jantcto yab'xil tastc 'ix 'el sb'on Amasías, yictax x'el yich masnto 'a slajub', ata tz'ib'b'il can 'a ch'an̈ libro yic yab'xil eb' sreyl Judá, yet' eb' sreyl Israel.

2 Cr 26:23

A yic 'ix cham Ozías cha, ata xmucx 'aj mucn eb' smam yichm 'a scampusan eb' rey, palta man̈oc 'a yet'l eb' rey cha, yujto 'aych lepra 'a 'a. Xlajw cha, ax Jotam chi x'ochcn reyl sjeloc.

2 Cr 32:32

Ax jantcto yab'xil tas 'ix 'el sb'on Ezequías yet' syiclumal 'a Dios, ata tz'ib'b'il can 'a 'aj tz'ib'b'il tas yiljnac Isaías, yunnal Amós, yet' 'a ch'an̈ libro yic yab'xil eb' sreyl Judá, yet' 'a yic eb' sreyl Israel.

2 Cr 9:29

Ax jantc to yab'xil Salomón, yictax yel yich, masnto 'a slajub', ata tz'ib'b'il can 'a jun tzo'n̈ ch'an̈ libro yic eb' schecb' Dios, atn Natán, yet' Ahías 'aj Silo, yet' pax jun tzo'n̈ 'icha waychil 'ix yil jun schecb' Dios Iddo sb'i, yuj tas alb'il can 'a spatquil Jeroboam, yunnal Nabat.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.