2 Cr 26:21 - Chuj San Sebastian Bible

²¹ 'Aychn̈ej jun lepra chi 'a win rey Ozías masnto yic' xchami, yuj cha, sch'ocjxoj xcan 'a jun n̈a. Man̈xtoc 'ix chax 'och 'a yol yatut Jehová. Ax Jotam, atn yunnal, a 'ix can 'a yib'n̈ yiln despacho, a x'a'n yajlil 'a yib'n̈ eb' 'anma 'a snacion̈.

Chuj San Mateo Bible

²¹ Ix cann̈ej jun lepra chi' d'a vin̈aj rey Uzías chi' masanto ix cham vin̈, yuj chi' sch'ocoj vin̈ ix aj d'a jun pat, majxo chajocochlaj vin̈ d'a yol stemplo Jehová. Axo vin̈aj Jotam yuninal vin̈ ix ochcan sq'uexuloc, yic scan vin̈ d'a spalacio yic syac'anpax yajalil vin̈ d'a jun chon̈ab' chi'.

2 Cr 26:21 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 7:3

A yic cha, 'ayc' chan̈wn̈ winc 'aych lepra 'a 'a, ata 'ayc' eb' 'a sti spuertail chon̈b' cha, 'ix laj yal-lanc eb' 'a junjn 'ixtic: —¿Tas tzwul qui b'oc 'a tic? Ton̈j chotn on̈c 'ec' qui tan̈wni qui chami.

2 Cr 26:20

A yic xyiln Azarías cha, yet' smasnil eb' ya'mal 'och sti eb' 'anma', chajtlto x'elt jun lepra chi 'a snan̈l sat win rey cha, yajn̈ej 'ix yi'n 'elt eb' muc'uc. 'Ixta pax win rey cha, caw wal snib'j win yajn̈ej x'elt 'a jun lugar cha, yujto tox xjaw yailal 'a yib'n̈ yuj Jehová.

2 Cr 27:1

A Jotam 25 ab'il sq'uinal, yic schan 'el yich ya'n reyal, waclajn̈e ab'il xyac' reyl 'a Jerusalén. Jerusa sb'i snun, yisl win Sadoc 'ix.

Lv 13:46

A yic 'aych jun yab'il chi 'a 'a, yowlal tz'ijx 'el 'a scal 'anma', yujto 'ay smay jun yab'il cha, ata tz'at cancn 'el sch'ocj 'a spatc 'el camplamento.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Nm 12:15

Yuj cha, 'ix 'ijx 'el María 'a spatquil 'el camplamento 'a uque c'ual. Ya' sb'a x'elcn 'ix, ax eb' chon̈b' cha, 'ix cann̈j eb' 'a yet'l cha, masnto xc'ochx 'ix 'a eb'.

Nm 5:4

'Ix syiclj eb' israel tas xyal Jehová 'a Moisés, 'ix yij 'elt eb' jun tzo'n̈ 'anma cha.