2 Cr 26:20 - Chuj San Sebastian Bible

²⁰ A yic xyiln Azarías cha, yet' smasnil eb' ya'mal 'och sti eb' 'anma', chajtlto x'elt jun lepra chi 'a snan̈l sat win rey cha, yajn̈ej 'ix yi'n 'elt eb' muc'uc. 'Ixta pax win rey cha, caw wal snib'j win yajn̈ej x'elt 'a jun lugar cha, yujto tox xjaw yailal 'a yib'n̈ yuj Jehová.

Chuj San Mateo Bible

²⁰ Ayic ix yilan vin̈aj sat sacerdote Azarías yed' eb' vin̈ ajun yed' vin̈ chi' to toxo ix elta yab'il lepra d'a snan̈al sat vin̈ rey chi', ix yic'anelta vin̈ eb' vin̈ d'a elan̈chamel. Ix snib'ej pax vin̈ rey chi' tz'elta d'a elan̈chamel, yujto toxo ix javi yaelal d'a yib'an̈ vin̈ yuj Jehová.

2 Cr 26:20 ပူးပေါင်းရင်းမြစ်များ

2 Cr 26:19

A Ozías cha, lin̈n 'och 'a stz'ey jun yet'l xajmb'al 'aj tz'a incienso cha. T'un̈b'il jun tz'ab'c'ac' yic incienso yu'uj, yic tzya'n tz'a incienso ta'. Caw wal xcot yowl 'a eb' ya'mal 'och sti eb' 'anma 'a Dios. Ya' sb'a wan sten sb'a yet' eb', 'ix 'elt lepra 'a snan̈l sat.

2 Cr 26:21

'Aychn̈ej jun lepra chi 'a win rey Ozías masnto yic' xchami, yuj cha, sch'ocjxoj xcan 'a jun n̈a. Man̈xtoc 'ix chax 'och 'a yol yatut Jehová. Ax Jotam, atn yunnal, a 'ix can 'a yib'n̈ yiln despacho, a x'a'n yajlil 'a yib'n̈ eb' 'anma 'a snacion̈.

Ester 6:12

A yic xlajw yijx b'eyc'oc Mardoqueo chi yu'uj, 'ix 'atx can win 'a spuertail despacho chi jun 'ejm xo. Ax Amán, caw ji'lti xpax 'a yatut, cusc'ojlal yaji, smacn sat yuj q'uixwc'ojlal.

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.

Lv 14:34

A yic 'ayx xo 'ec' e masnil 'a lum Canaán, atn lum 'oj wac' eyico'oc, toq'ue 'oj wa't tas c'uxmtac syab'ilc yol n̈a 'a e chon̈b' cha,

Dt 28:22

An̈jtona', 'oj ya' cot jun tzo'n̈ yab'il 'a e cal. 'Ay yab'il to tzex b'ac'b'chan̈ yu'uj, 'ay c'a'l yab'il, 'ay pax yab'il tzmalchan̈ e niwnal yu'uj. A tas 'oj eyawoc, 'oj tacjoc yuj c'ac', man̈x 'oj yac' n̈ab'. 'Oj jawc syab'il e trigo masnto 'oj e lajw 'eli.

Dt 28:35

'Oj yac' wal Jehová eyab' syal yuj yaxc'a yab'il 'oj q'ue 'a sjolm e penec, 'a e xub', yet' 'a smasnil e niwnal, may xon junc mach 'oj stac' ex yan̈tni.