2 Cr 26:13 - Chuj San Sebastian Bible

¹³ 'Ay pax junx 307,500 soldado, caw lista yaj s'at 'a owal. Caw wal jeln eb', caw 'ay yip eb', yic tzcolwj eb' yet' win rey yic tzya'n win owl yet' eb' 'ajc'ojol.

Chuj San Mateo Bible

¹³ Axo eb' soldado ayoch d'a yalan̈ smandar eb', ay 307 mil 500 eb', listaxo yaj eb' sb'at d'a oval, te tec'an eb' scolvaj d'a vin̈ rey chi' yic syac'an oval vin̈ yed' eb' ajc'ool.

2 Cr 26:13 ပူးပေါင်းရင်းမြစ်များ

2 Cr 11:1

A yic 'ix jaw Roboam 'a Jerusalén, 'ix ya'n syam sb'a 180 mil soldado sic'b'il 'el 'a scal eb' yin̈tl Judá, yet' 'a eb' yin̈tl Benjamín, yic tz'at ya'nc eb' owl yet' jun tzo'n̈ xo eb' yit israelal, sec wach' tzmeltzj pax 'och eb' 'a yaln̈ schecnb'il win jun 'ejm xo.

2 Cr 12:1

A yic 'ix yi'n Roboam yip 'a yopiso, caw te'n xo xyab'i, yuj cha, 'ix yactn syiclni sley Jehová, 'ixta pax 'ix yutj sb'a smasnil eb' yit israelal yet'oc.

2 Cr 13:3

A Abiam 'ay chan̈e ciente mil soldado ajun yet'oc, to caw wal tec'an, sic'b'il 'el yu'uj. 'Ixta pax Jeroboam, ajun wajxque ciente mil soldado yet'oc, to caw 'ay yip, tec'an, sic'b'il pax 'el yu'uj.

2 Cr 14:7

Yuj cha, 'ix yaln 'ixtc 'a eb' 'aj Judá cha: Quib'oc chan̈ jun tzo'n̈ chon̈b' tic, tzqui b'onec pax 'och smuroal 'a spatquil, storreal yet' spuertail; a q'uen hierro tz'och yipnub'oc ya' sb'a a qui nacion̈ec tic 'ayc' 'a yol qui c'ab'ec. Yujto xca'c 'och 'a qui c'ojlec calnec qui b'a 'a Jehová qui Diosalec, yuj cha, a x'a'n junc'ojlal 'ayn̈ec yet' smasnil eb' cajn 'a qui tz'eyec, xchi. Yuj cha, caw wach' 'ix 'aj sb'o jun tzo'n̈ cha.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

2 Cr 25:5

Xya'n Amasías chi syam sb'a smasnil eb' winc yic yin̈tl Judá, yet' eb' yic yin̈tl Benjamín, eb' junc'l ab'il sq'uinal yet' 'a yojltac. 'Ix 'ajx syam sb'a junjn macn̈ eb', a tzyal yin̈til eb'. X'ajx 'och eb' yajl 'a yib'n̈ junjn mil yet' 'a yib'n̈ junjn ciente. A x'aj sb'isl eb', 'ay 'oxe ciente mil eb' soldado lista yaj s'at 'a owal, tztac' sc'anlb'an eb' lanza yet' smacl sat jul-lab'.

2 Cr 26:12

A eb' yajl yaj 'a yib'n̈ eb' soldado, 'a tzyal yin̈til, 'ay 2,600 eb' 'a smasnil.

2 Cr 26:14

'Ix yac' Ozías chi b'o jun tzo'n̈ syamc'ab' 'eb' soldado: atn smacl sat jul-lab', lanza, q'uen pichl tzya'ch eb' 'a sn̈i sc'ojol, q'uen xumpilin, jul-lab', yet' pax mejech.