2 Cr 25:3 - Chuj San Sebastian Bible

³ A yic 'ix yi'n Amasías yip 'a yopiso, 'ix smiln cham eb' 'aych 'a yopiso, atn eb' miljnac cham smam.

Chuj San Mateo Bible

³ Ayic ix tec'c'aj yopisio vin̈ chi', a eb' vin̈ ayoch yajalil yed' vin̈, ix smilcham eb' vin̈, aton eb' vin̈ miljinaccham vin̈ smam vin̈.

2 Cr 25:3 ပူးပေါင်းရင်းမြစ်များ

2 Cr 21:4

A Joram cha, a yic 'ix yi'n yip 'a yopiso 'a sreyal, 'ix stzu' cham smasnil eb' yu'tac, an̈jtona', 'ix stzu' cham jun tzo'n̈ eb' yajl yaj 'a chon̈b' Israel.

2 Cr 25:4

Palta ma'ix milx cham yunnal eb', yujto a tzyal tas tz'ib'b'il can 'a ch'an̈ ley yic Moisés, 'a 'aj tzyal Jehová 'ixtic: A eb' mamb'il matz tac' scham eb' yuj smul yunnal, an̈jtona', matz tac' scham eb' 'unnab'il yuj smul eb' mamb'il, junjn mach tzcham yuj smul, xchi.

2 Cr 33:25

Palta ax eb' 'anma 'ay 'a yol chon̈b' cha, a eb' xmiln cham smasnil eb' xmiln cham rey Amón, ax jun yunnal tzcuch Josías, a xya'cn 'och eb' reyl sjeloc.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.