2 Cr 25:26 - Chuj San Sebastian Bible

²⁶ Ax jantcto yab'xil tastc 'ix 'el sb'on Amasías, yictax x'el yich masnto 'a slajub', ata tz'ib'b'il can 'a ch'an̈ libro yic yab'xil eb' sreyl Judá, yet' eb' sreyl Israel.

Chuj San Mateo Bible

²⁶ A jantacto yab'ixal vin̈aj Amasías chi', ayic ix el yich masanto ix lajvi, aycan b'aj tz'ib'ab'ilcan yab'ixal eb' vin̈ sreyal Judá yed' eb' vin̈ sreyal Israel.

2 Cr 25:26 ပူးပေါင်းရင်းမြစ်များ

2 Cr 20:34

Ax jantcto yab'xil Josafat, yictax x'el yich, masnto 'a slajub', ata tz'ib'b'il can 'a ch'an̈ libro yic Jehú, yunnal Hanani, junn̈j yaj 'a ch'an̈ libro yic yab'xil eb' sreyl Israel.

A Ch'an̈ Schab'il Libro Yic Yab'ixal Eb' Rey 14:15

Ax jantcto yab'xil Joás yet' smasnil tas 'ix 'el sb'oni, yic 'ix ya'n owl yet' Amasías sreyl Judá, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel.

2 Cr 25:25

A Amasías, yunnal Joás, sreyl Judá, olajn̈e to ab'il 'ix yac' reyl 'a Judá yic tox 'ix cham Joás, yunnal Joacaz sreyl chon̈b' Israel.

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

A Ch'an̈ B'ab'el Libro Yic Yab'ixal Eb' Rey 14:19

A jun tzo'n̈ xo yab'xil win Jeroboam, 'icha yuj jun tzo'n̈ tas xlaj sb'o', yet' 'aj xlaj yac' owal, yet' yuj tas xyutj ya'n reyal, ata tz'ib'b'il can smasnil 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 14:29

A yab'xil jun tzo'n̈ xo tas sb'ojnac win Roboam, ata tz'ib'b'il can 'a ch'an̈ libro yic yab'xil eb' sreyl chon̈b' Judá.

1 Cr 29:29

A yab'xil tas sb'ojnac rey David cha, yictax 'ix 'el yich masnto 'a slajub', ata tz'ib'b'il can 'a eb' ch'an̈ libro tz'ib'b'il can yuj eb' schecb' Dios, atn Samuel, Natán, yet' pax Gad.

2 Cr 26:22

Ax jantcto yab'xil tas 'ix 'el sb'on Ozías, yictax x'el yich, masnto 'a slajub', 'ix stz'ib'j can Isaías, atn schecb' Dios yunnal Amós.

2 Cr 27:7

Ax jantcto tas 'ix 'el sb'on Jotam, yet' smasnil owl 'ix yac'a, yet' sb'eyb'al, ata tz'ib'b'il can 'a ch'an̈ libro yic yab'xil eb' sreyl Israel, yet' yic eb' sreyl Judá.

2 Cr 32:32

Ax jantcto yab'xil tas 'ix 'el sb'on Ezequías yet' syiclumal 'a Dios, ata tz'ib'b'il can 'a 'aj tz'ib'b'il tas yiljnac Isaías, yunnal Amós, yet' 'a ch'an̈ libro yic yab'xil eb' sreyl Judá, yet' 'a yic eb' sreyl Israel.

2 Cr 35:27

atn smasnil tas 'ix 'el sb'oni, yictax x'el yich, masnto 'a slajub', ata tz'ib'b'il can 'a ch'an̈ libro yic yab'xil eb' sreyl Israel yet' Judá.

2 Cr 36:8

Ax jantcto yab'xil Joacim, yet' sb'eyb'al to maysch'olnil, yet' pax tas tu 'ix 'el sb'oni, ata tz'ib'b'il can 'a ch'an̈ libro yic yab'xil eb' sreyl Israel yet' Judá. Ax jun yunnal tzcuch Joaquín, a x'ochx can reyl sjeloc.