2 Cr 25:23 - Chuj San Sebastian Bible

²³ 'Ix yamchj Amasías sreyl Judá yuj win sreyl Israel 'a Bet-semes cha, xlajw cha, 'ix 'ijx 'at 'a Jerusalén yu'uj. 'Ix sma'n can lan̈chjoc eb' israel chi smuroal jun chon̈b' cha, tzchaj 'at 'a spuertail yic Efraín masnto 'a spuertail schicn jun muro cha. 'Aym junc 180 metro x'aj sat jun b'e chi yuj eb'.

Chuj San Mateo Bible

²³ Ix yamchaj vin̈aj Amasías sreyal Judá d'a Bet-semes chi' yuj vin̈aj Joás vin̈ sreyal Israel chi'. Ix lajvi chi' ix ic'chajcot vin̈ d'a Jerusalén. Ix smac'ancanem lan̈naj smuroal jun chon̈ab' chi' eb' israel chi'. Ay am 180 metrooc ix spojem eb', ix b'atn̈ej d'a puerta yic Efraín, masanto ix c'och d'a spuertail schiquin jun smuroal chi'.

2 Cr 25:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:13

'Ix yamchj Amasías yuj Joás 'a scal owl 'a Bet-semes. Xlajw cha, 'ix cot Joás yet' eb' soldado 'a Jerusalén, 'ix wul sma'noc can 'ejm lan̈chjoc eb' 180 metro smuroal chon̈b' Jerusalén, 'ix schaj 'at 'a spuertail yic Efraín masnto 'a spuerta'il yisquinyoal.

2 Cr 21:17

Yuj wal cha, 'ix 'at eb' yac' owl yet' Judá, x'ajx ganar jun nacion̈ chi yuj eb', 'ix yi'n eb' smasnil sricoal win rey 'ay 'a sdespacho, yet' smasnil yunnal, yet' eb' 'ix yistzil winac, cojxn̈ej jun win xcani, atn Ocozías, win slajb' 'unnal winac.

2 Cr 22:1

A smasnil eb' cajn 'a Jerusalén, 'ix ya'ch eb' Ocozías win slajb' 'unnal Joram reyl sjelc smam cha. 'Ixta 'ix 'aji, yujto a eb' árabe ya'jnacx eb' owl yet' eb' 'aj Judá, smiljnac cham eb' jun tzo'n̈ eb' sb'ab'l 'unnal rey Joram cha.

2 Cr 22:6

Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

2 Cr 25:22

'Ix 'ajx ganar Judá chi yuj chon̈b' Israel, ax eb' soldado 'aj Judá, 'ix 'at eb' 'eloc.

2 Cr 26:9

An̈jtona', 'ix sb'on pax jun tzo'n̈ cuartel 'a yib'n̈ smuroal Jerusalén, 'a yib'n̈ spuertail 'a schiquin, yet' 'a yib'n̈ puerta tzcuch pan̈an, yet' 'a yib'n̈ jun tzo'n̈ xo schiquin. Caw wach' 'ix yutj sb'on cha'an̈.

2 Cr 32:5

'Ix yac' Ezequías 'ip sb'on chan̈ smuroal chon̈b' 'aj mac'b'il 'ejm lan̈chjoc, yet' jun tzo'n̈ torre 'aj tztan̈wx chon̈ab', yet' junx muro 'a spatquil 'eli. Xya'n pax 'och yip muro 'aj ton̈j lan̈b'il 'a Schon̈b' David. An̈jtona', caw niwn jun tzo'n̈ espada yet' smacl sat jul-lab' sb'o'o.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

2 Cr 36:10

A 'a yic b'ab'l 'uj 'a yic junx ab'il, 'ix yaln rey Nabucodonosor to tz'ijx 'at Joaquín 'a Babilonia yet' jun tzo'n̈ yamc'ab' to chan̈ stojol yic yatut Jehová. Ax Sedequías yu'tac can smam Joaquín cha, a xya'cn 'och win sreyloc Judá yet' Jerusalén.

2 Cr 36:6

Ax Nabucodonosor sreyl Babilonia a 'ix 'a'n owl yet'oc, 'ix sjaln yet' cadena, xyi'n 'at 'a Babilonia cha.

Nehemías 12:39

On̈ 'ec' 'a jun puerta yic Efraín, 'a jun puerta tzcuch Jesaná, 'a spuertail yic no chay, 'a jun torre tzcuch Hananel yet' 'a jun torre tzcuch Hamea, masnto 'a spuertail yic no calnelu; on̈ 'och wan 'a spuertail yic no calnelu, on̈ 'och pax wan 'a spuertail yic eb' tztan̈wni puerta cha. Ata xqui chaj qui b'a qui chac'ajil.

Nehemías 8:16

Yuj cha, x'at eb' chon̈ab' xyi'n cot eb' te sc'ab'te cha, junjn eb' 'ix sb'o eb' schinama 'a span̈nil yib'n̈ yatut, 'a yamq'uil yatut, 'a yamq'uil yatut Dios, 'a plas 'ay 'a stz'ey sti puerta 'aj tz'elt eb' 'ix 'ix cuchj a', yet' 'a plas 'ay 'a stz'ey spuertail yic Efraín.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Abdías 1:3

A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.