2 Cr 24:25 - Chuj San Sebastian Bible

²⁵ A yic x'el paxt eb' sirio chi ta', jab'xoj ma'ix chamcn yuj eb', xya'cn 'och eb' syailal si'mb'il. Ax eb' 'aych yajlil yet'oc, 'ix smol alj eb' tas tzyutj eb' swach' miln chamoc, yic tzya'n can pax eb' spac schamlil win yunnal Joiada, win ya'mal 'och sti eb' 'a Dios. Yuj cha, axta swach' milj cham eb' 'a sat sch'at. Xlajw cha, 'ix mucx 'a Schon̈b' David, palta man̈oc 'a 'aj tzmucx eb' rey.

Chuj San Mateo Bible

²⁵ Ayic ix el eb' sirio d'a yol yic Judá chi', te nivan ix ajcan vin̈aj Joás chi' slajvi yuj eb'. Axo eb' vin̈ ayoch yajalil yed' vin̈, ix sna' eb' vin̈ tas syutej eb' vin̈ svach' milancham vin̈, yic syac'anec' spac schamel vin̈ yuninal vin̈aj sacerdote Joiada chi' eb' vin̈. Yuj chi' ix svach' milejcham vin̈ eb' vin̈ d'a sat sch'at. Ix lajvi chi', ix mucji vin̈ d'a schon̈ab' vin̈aj David, palta man̈oc b'aj smucchaj eb' vin̈ rey.

2 Cr 24:25 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 15:27

Ax win Baasa yunnal win Ahías win yin̈tl can Isacar, 'ix 'och 'ajc'ojlal 'a win Nadab cha, axta smil cham win Baasa chi win Nadab 'a chon̈b' Gibetón. A jun chon̈b' cha, yic eb' filisteo, yujto a win Nadab chi 'ix 'a'n 'och oyn eb' soldado israel 'a spatquil Gibetón cha.

2 Cr 21:16

Xlajw cha, ax eb' filisteo yet' eb' árabe 'ay 'a stz'ey eb' 'aj Cus, caw 'ix yac' wal Jehová cot yowl eb' 'a Joram.

2 Cr 22:6

Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

2 Cr 22:9

'Ix ya'n sayxc 'ec' Ocozías, yujto 'ix sc'ub'j 'el sb'a 'a Samaria, ax x'aji 'ix yamchj yuj eb'. Xyi'n 'at eb' 'a Jehú, axta xmilx chamoc. Palta xmucx yuj eb', yujto sna eb' to yin̈tl Josafat winac, win x'a'n servil Jehová 'a smasnil sc'ojol. Ax 'a scal eb' yin̈tl Ocozías, man̈x 'a junc eb' ste'wtzej sb'a yochcn reyal.

2 Cr 24:16

Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

2 Cr 24:26

A eb' xwach' miln cham Joás cha, atn Zabad yune 'ix Simat 'ix amonita, yet' Jozaba yune 'ix Simrit 'ix moabita.

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

2 Cr 25:3

A yic 'ix yi'n Amasías yip 'a yopiso, 'ix smiln cham eb' 'aych 'a yopiso, atn eb' miljnac cham smam.

2 Cr 28:27

'Ix cham Acaz, 'ix mucx 'a chon̈b' Jerusalén, palta man̈oc 'a yet'l eb' rey. Xlajw cha, ax jun yunnal tzcuch Ezequías, a x'ochcn reyl sjeloc.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.