2 Cr 24:24 - Chuj San Sebastian Bible

²⁴ Jaywn̈ej eb' soldado sirio 'ix jaw yac' owl yet' eb' 'aj Judá, palta a Jehová 'ix 'a'n 'och eb' soldado to niwn sb'isl chi 'a yol sc'ab' eb', yujto 'ix yactj can eb' Jehová, atn sDiosal eb' yet' smam yicham. 'Ixtnta x'aj Joás yab'n syal yuj tas tu x'el sb'oni.

Chuj San Mateo Bible

²⁴ Jayvan̈n̈ej eb' soldado sirio ix javi yac' oval chi', axo Jehová ix ac'anoch jantac eb' soldado yic Judá chi' d'a yol sc'ab' eb', yujto ix actajcan Jehová chi' yuj eb', aton sDiosal eb' yed' eb' smam yicham. Icha val chi' ix aj yab'an syail vin̈aj Joás chi' yuj chucal ix sc'ulej.

2 Cr 24:24 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:17

A 'a yic jun tiempoal cha, a Hazael sreyl chon̈b' Siria, 'ix yac' owl yet' chon̈b' Gat, 'ix 'ajx ganar Gat chi yu'uj. Xlajw cha, 'ix 'at ya'nc owl yet' Jerusalén.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

2 Cr 22:8

A yic wan smiln cham Jehú eb' yin̈tl Acab, 'ix 'ilchj eb' yajl yaj 'a Judá, yet' eb' yunnal eb' yican Ocozías, atn eb' ajun yet'oc, 'ix smiln pax cham Jehú eb'.

2 Cr 24:20

Xlajw cha, 'ix 'och Yespíritu Dios 'a Zacarías, yunnal Joiada. 'Ix q'ue lin̈n 'a yib'n̈ jun lugar chan̈ yaj cha'an̈. Xyaln 'a eb' chon̈b' 'ixtic: A Dios a tzaln 'ixtic: ¿Tas yuj matz eyiclj in checnb'il an Jehová in? ¿Tas yuj tze say cot yailal 'a eyib'an̈? In eyactj can an Jehová in tic, yuj cha, 'oj ex wactc can pax jun xo, xchi Dios, xchi Zacarías 'a eb'.

2 Cr 28:5

Yuj wal cha, 'ix 'ajx 'och yuj Jehová sDiosal 'a yol sc'ab' sreyl Siria. Caw niwn sb'isl eb' 'aj Judá xyij 'at eb' sirio 'a 'icha presoal 'a Damasco. An̈jtona', xya'n pax 'och Jehová eb' 'aj Judá chi 'a yol sc'ab' sreyl chon̈b' Israel, yuj cha, caw niwn eb' xchami.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

Jeremías 37:10

Wach'xam ax tic, 'oj eyac' ganar yejm eb' soldado wan ya'n owl eyet'oc, yuj cha, cojxn eb' lajwnac 'oj can 'a scamplamento eb' cha, palta a eb' cha, 'oj q'uex wan eb', ax ya'n can 'och eb' sc'a'l jun e chon̈b' tic, xchi Dios, xa chi 'a eb', xchi 'ayn an Jeremías in tic.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Lv 26:37

Mun 'oj laj stenlac sb'a eb' s'at 'eloc, 'icha to tz'at eb' 'elc 'a junc owal, wach'xam may mach tzpechn eb'. May xon junc eb' 'oj ste'wtzoc sb'a 'a yojltac eb' 'ajc'ojl cha.

Lv 26:8

Toto own̈ e b'ey ax tic, 'oj 'at 'elc junc ciente eb' eyu'uj, ax toto jun ciente e b'ey ax tic, lajn̈e mil eb' 'oj 'at 'elc eyu'uj. A eb' 'ajc'ojl cha, 'oj cham eb' eyu'uj.

Habacuc 1:12

Mamin Jehová, ¿tom man̈ toc 'aych 'ec' 'a jun 'ejmn̈ej jun? Ach in Diosal, cojxn̈ej ach ton Dios ach. Ma'oj on̈ a cha satl 'a jun 'ejmn̈ej on̈, qui Colmal aji. Ach 'ix ac' yip eb' caldeo yuj a'n 'och yailal 'a quib'n̈ yuj qui mul on̈.

Sofonías 1:2

'Oj in satl smasnil tas 'ay 'a sat lum lu'um.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.