2 Cr 24:22 - Chuj San Sebastian Bible

²² A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

Chuj San Mateo Bible

²² A vin̈aj Joás chi', majxo snacotlaj jantac svach'c'olal vin̈aj Joiada chi' ix yac' d'a vin̈, palta to ix schec miljoccham vin̈aj Zacarías vin̈, aton vin̈ yuninal vin̈aj Joiada chi'. Ayic van scham vin̈aj Zacarías chi', ix yalan vin̈ icha tic: Aocab' Jehová tz'ilan jun tic, a' ol ac'an yovalil, xchi vin̈.

2 Cr 24:22 ပူးပေါင်းရင်းမြစ်များ

Gn 42:22

Xyaln win Rubén 'a eb' yu'tac 'ixtic: —Waljnac 'ayex to matz 'och e mul 'a winac, palta ma'ix e chaj eyab' 'a tas xwala. A ticnec tic wal tzcot 'a quib'n̈ec yuj xchamlil winac, xchi winac.

Gn 9:5

An 'oj wac' syailal eb' 'anma tzmiln cham yit 'anma'il, ax no noc' tzmiln cham 'anma', 'oj wac' ma'xoc cham pax no'.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Salmos 109:4

A spac in chamc'ojlal tzyac' eb', to tzchichn 'och eb' 'ayin, palta to tzin leslwi yuj eb'.

Salmos 9:13

Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

Jeremías 11:20

Yuj cha, xwaln 'a Dios 'ixtic: Ach tic Mamin Jehová, tztac' oj smasnil, Juez ach 'a stojlal. Caw ojc smasnil tas 'ay 'a qui nab'en an̈ 'anman̈ tic on̈. 'Ac' wal wil tas 'oj otc a'n 'och syailal jun tzo'n̈ 'anma tic, yujto tox 'ix wac' 'ab'enal 'a yol a c'ab' yuj tas tzna eb' 'a in patquil, xin chi.

Jeremías 51:56

Tzyal Jehová 'ixtic: 'Oj jawc eb' wul yac' lajwc 'el Babilonia. 'Oj yamchjoc smasnil eb' soldado, ax sma'x can wecchjoc sjul-lab' eb'. Yujto an Jehová in, an ton Dios in, tzwac' spac 'a junjn eb' 'a 'icha wal smoj schani.

Lc 11:51

Til wal eb' schecb' Dios milxnac chamoc, yictax smilx cham Abel masnto c'ochnc stiempoal scham Zacarías, atn win milxnac cham 'a snan̈l jun yet'l xajmb'al yet' scajnub' Dios. Palta an tzwal 'ayex, jantcn̈ej eb' milb'il cham cha, 'oj ya'ch Dios 'a eyib'an̈.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

2 Ti 4:14

A win Alejandro, win tenm q'ue'en, caw maysch'olnil xyutj sb'a win 'ayin. Palta a Cajlil 'oj 'a'nc spac 'a 'a.

2 Ti 4:16

A yic waln in paxti 'a win yajl 'a b'ab'el, may junc mach 'ix 'och wet'oc. C'uxn x'at eb', in yactn can eb' in ch'ocoj. Comnoc ma'oj yac' Dios spac jun chi 'a eb'.

Josué 22:23

Toto yuj qui'n 'el qui b'a 'a stz'ey Jehová on̈, yuj cha, xqui b'on jun yet'l xajmb'al tic, mto yuj ca'n tz'a no noc' xajmb'al-l 'a yib'an̈, mto yuj ca'n cofrenda yuj qui trigo 'a 'a, mto yuj pax ca'n q'ue xajmb'al yic junc'ojlal 'a yib'an̈, toto 'ixta', a wal cab' Jehová a 'oj 'a'nc yowlal 'ayn̈ on̈.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Jueces 8:35

May jac spac wach' xyac' eb' 'a eb' yunnal Gedeón cha, yuj swach'c'ojlal xyac' 'a eb'.