2 Cr 24:19 - Chuj San Sebastian Bible

¹⁹ 'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Chuj San Mateo Bible

¹⁹ Ix scheccot eb' schecab' Jehová yic tzul yalan eb' to smeltzajxi eb' d'a Jehová chi', palta majxo schalaj yab' eb' tas ix yal eb' checab' chi'.

2 Cr 24:19 ပူးပေါင်းရင်းမြစ်များ

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Is 28:23

Macljec eyab' tas 'oj wala', tzcham wal e nani tas jun tzo'n̈ 'oj wal tic.

Is 42:23

¿Machx wal tze nib'j tze chaj eyab' jun tzo'n̈ tic ex wit chon̈ab'? ¿Machx wal tzchaj e c'ojl eyab'n tas 'oj ujoc?

Is 51:4

Ex in chon̈ab', macljec eyab' tas 'oj wala': To a 'in cuynb'il 'oj wac' sb'eylb'oc jun tzo'n̈ xo chon̈ab', 'icha wal sacq'uinl 'oj 'aj 'a scal eb'.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Jeremías 25:7

Ax ticnec tzyal Jehová 'ayx 'ixtic: Ax tic, caw matz e chaj eyab' tas tzwala. Caw tze tzuntzj cot yowl in c'ojol, yic tzeyaln e b'a 'a jun tzo'n̈ comn dios to mun ax b'ojnac. Yuj cha, mun ax tzeyij cot yailal 'a eyib'an̈, xchi Dios.

Jeremías 25:8

Yuj cha, a Jehová tztac' yuj smasnil, a tzaln 'ixtic: Yujto matz chaj eb' 'anma tic yab' tas tzwala,

Jeremías 26:5

Ma'ix e chaj eyab' pax tas xwac' yal eb' in checab', caw niwn 'ejm yaljnac eb' 'ayex, atn jun tzo'n̈ an̈ja matz e chaj eyab' ticnec.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Mt 13:9

A jun tzo'n̈ tzeyab' tic, nac wal si'mb'il, xchi 'a eb'.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.