2 Cr 24:16 - Chuj San Sebastian Bible

¹⁶ Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

Chuj San Mateo Bible

¹⁶ A d'a schon̈ab' vin̈aj David ix mucji vin̈, aton b'aj smucchaj eb' vin̈ rey. A tas ix sc'ulej vin̈ te vach'n̈ej yuj svach'iloc eb' yetisraelal, vach' ix yutej vin̈ yac'an servil Dios yed' d'a stemplo.

2 Cr 24:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:10

Ax 'a yic xcham rey David, ata 'ix mucx 'a jun lugar tzcuch Schon̈b' David.

A Ch'an̈ Schab'il Libro Yic Yab'ixal Eb' Rey 12:7

Yuj cha, 'ix yawtn cot rey Joás win Joiada, yet' jun tzo'n̈ xo eb' ya'mal 'och sti eb' 'anma cha, 'ix yaln 'a eb' 'ixtic: —¿Tas yuj mant 'a xon jac jun tzo'n̈ juwnc 'a yatut Dios tic tze b'o'o? Ax ticnec yic 'oj b'ey 'a cojltac tic, man̈x oquex 'oj e cha q'uen tumn 'a eb' 'anma', ax jantc xo q'uen 'ayc' 'ayex, yowlal 'oj eyac' 'elt q'ue'en, yic tzb'o jun tzo'n̈ juwnc 'a jun yatut Dios tic, xchi.

2 Cr 21:2

A eb' yu'tac Joram, eb' yunnal Josafat, atn eb' tic: Azarías, Jehiel, Zacarías, Micael, yet' Sefatías. A smasnil eb' tic, yunnal Josafat eb', win sreyl Judá.

2 Cr 21:20

A yic 'ix chan 'el yich ya'n reyal, 32 ab'il sq'uinal, wajxque ab'il xyac' reyl 'a Jerusalén. A yic 'ix chami, may junc mach x'oc' yu'uj. Ata smuc eb' 'a Schon̈b' David, palta man̈oc 'a 'aj tzmucx eb' rey.

2 Cr 24:15

Palta a Joiada cha, caw x'och 'ichm wincal, 130 ab'il sq'uinal yic xchami.

2 Cr 24:17

A yic tox 'ix cham Joiada cha, xjaw eb' yajl yaj 'a Judá, 'ix 'em n̈ojn eb' 'a yojltac win rey yic tzmontn eb' winac, schan win yab' 'a eb'.

2 Cr 31:20

'Ixtnta xyutj Ezequías sb'on jun tzo'n̈ tic 'a smasnil yol yic Judá. A smasnil jun tzo'n̈ sb'o cha, caw wal wach', wal yel caw tojl 'a sat Jehová sDiosal.

Nehemías 13:14

Xwaln 'ixtc 'a in lesal: Ach in Diosal, na cot jun tzo'n̈ tas xin b'o tic. Man̈ 'at satc'ojlal o'oj, atn jun tzo'n̈ tas xin b'o yet' in chamc'ojlal 'a atut, 'a 'aj tz'och 'emmquilal 'ayach, xin chi.

Mr 6:29

Ax eb' scuywum Juan cha, yic 'ix yab'n eb' jun cha, 'ix c'och eb' 'at yic' sniwnal Juan, x'at smucnc can eb'.

A Tas Sc'ulejnac Eb' Schecab' Jesús Hechos 2:29

Ex wit chon̈ab', caw checl tas 'ajnc qui mam quichmec David cha. Cojquec, to chamnac, mucxnac. A jun yet'l 'aj mucb'il cha, an̈ja checl yaj ticnec.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.