2 Cr 23:9 - Chuj San Sebastian Bible

⁹ An̈jtona', 'ix ya'n pax Joiada chi jun tzo'n̈ lanza yet' smacl sat jul-lab' 'a eb' capitan̈ yaj 'a junjn ciente soldado. A jun tzo'n̈ yamc'ab' cha, yic rey David. Ata 'ayc' jun tzo'n̈ chi 'a yatut Dios.

Chuj San Mateo Bible

⁹ Ix yac'anpax q'uen lanza vin̈aj Joiada chi' yed' maclab' jul-lab' d'a eb' vin̈ yajal yaj d'a junjun ciento eb' soldado chi', aton juntzan̈ syamc'ab' vin̈aj rey David aycan d'a stemplo Dios.

2 Cr 23:9 ပူးပေါင်းရင်းမြစ်များ

A Ch'an̈ Schab'l Libro Samuel 8:7

Xlajw cha, xyi'n can 'ec' David jun tzo'n̈ tzmacn sat jul-lab' nab'a oro 'a eb' soldado yic Hadad-ezer, 'ix yi'n cot 'a Jerusalén.

A Ch'an̈ B'ab'el Libro Yic Yab'ixal Eb' Rey 10:16

'Ix yac' win rey chi b'o chab' ciente q'uen niwc pachpmb'a q'uen tzmacn sat jul-lab' nab'a oro x'aji, lajchwe libra q'uen oro x'och 'a jun jun.

2 Cr 23:10

'Ix 'ajx 'och smasnil eb' winc chi 'a stzol-l yu'uj, junjn eb', yamb'il yespada 'a sc'ab', yic tztan̈wni eb' win rey, x'och oyn eb' 'a schan̈paq'uil sti yamq'uil yatut Dios, 'a 'aj 'ay yet'l xajmb'al, yet' 'a spuertail yatut Jehová cha.

2 Cr 23:8

A eb' levita yet' smasnil eb' 'anma 'aj Judá, 'ix syiclj eb' sb'on smasnil tas 'ix yal Joiada. Junjn eb' yajl cha, 'ayc' eb' yet' eb' 'aych 'a yol sc'ab', eb' tz'och yil yopiso 'a sc'ul 'iljelal yet' eb' tz'eli. Yujto ma'ix chax 'el eb' yuj Joiada cha, yic tzlajw yiln eb' yopiso 'a stzolil.

A Ch'an̈ B'ab'el Libro Samuel 21:9

—'Ayc' q'uen yespada win Goliat 'ayin, win filisteo a'jnac ganar a miln cham 'a lum span̈nil Ela. Yaj q'uen 'a spatc 'och te chaleco cha, pichn 'och q'uen 'a yojl jun te nip. A jun cha, tztac' e'ni, toto tza nib'j ec', al jun tzo'n̈ocx yamc'ab' yic owal, may tas 'ayc' 'ayin, xchi Ahimelec. —¡A jun cha yelxo wach'! 'Ac' jun chi 'ayin, xchi David.