2 Cr 23:11 - Chuj San Sebastian Bible

¹¹ Xlajw cha, ax Joiada yet' eb' yunnal, 'ix yi'n 'elt eb' win yunnal can win rey cha, 'ix ya'n q'ue eb' jun corona 'a sjolom. 'Ix ya'n eb' jun yun̈al strato Dios 'a 'a. 'Ixta to b'i'an, 'ix secn q'ue eb' aceite 'a sjolm winac. Yajn̈ej 'ix yaln eb' to rey xo winac. 'Ix 'el yaw smasnil eb' 'anma yalni: ¡Viva win rey! xchi eb'.

Chuj San Mateo Bible

¹¹ Ix lajvi chi', a vin̈aj sacerdote Joiada chi' yed' eb' yuninal ix ic'anelta vin̈ yuninalcan vin̈ rey chi'. Ix yac'anq'ue scorona vin̈ eb', ix yac'an jun yumal strato Dios eb' d'a vin̈. Ix lajvi chi', ix yac'anq'ue aceite eb' d'a sjolom vin̈, ix yalan eb' to reyxo vin̈. Ix q'ue n̈ilnaj masanil anima yalani: Nivanocab' yelc'och vin̈ co rey, xchi eb'.

2 Cr 23:11 ပူးပေါင်းရင်းမြစ်များ

A Ch'an̈ Schab'l Libro Samuel 1:10

Yuj cha, xin nitzn 'och in b'a 'a stz'ey, 'ix in wach' miln can chamoc, sec wach' matz yab' syal si'mb'il. 'Ix wila to yowlal 'oj chamn̈ej, yujto tox 'ix lajwi. A yic chamnc xo cha, xwi'n 'el scorona 'a sjolom, yet' jun brazalete 'aych 'a sc'ab' yic tzwi'n cot 'aych ach wajlil, xchi winac.

A Ch'an̈ Schab'l Libro Samuel 16:16

Ax win Husai arquita, win swach'c'ojl David, 'ix 'elt win scha win Absalón 'a yol b'e, caw 'ip x'awj chan̈ winac, xyaln win 'ixtic: —Viva, viva sjaw win rey, xchi winac.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ B'ab'el Libro Yic Yab'ixal Eb' Rey 1:34

Ach xo Sadoc yet' ach Natán 'ac' q'ue aceite 'a sjolm ni Salomón. Tzeyutz'j no sch'ac calnelu, yic tze ch'oxn 'eli to a ni tz'ochcn reyl 'a yib'n̈ eb' quit israelal. Tz'el eyaw tzeyaln 'ixtic: ¡Viva win rey Salomón! xe chi.

A Ch'an̈ B'ab'el Libro Yic Yab'ixal Eb' Rey 1:39

Ax Sadoc 'ix yij cot aceite 'a scajnub' Dios, 'ix ya'n q'ue 'a sjolm Salomón, 'ixtnta 'ix yutj eb' ya'n 'och reyal. Xlajw cha, 'ix yutz'n eb' no sch'ac calnelu, caw wal tz'el yaw smasnil chon̈ab': ¡Viva win rey Salomón! xchi eb'.

A Ch'an̈ Schab'il Libro Yic Yab'ixal Eb' Rey 11:12

'Ix yi'n 'elt Joiada win yunnal win rey muc'uc, 'ix ya'n q'ue scorona, 'ix ya'n win yun̈al strato Dios 'a 'a, xlajw cha, 'ix secn q'ue aceite 'a sjolm winac, 'ix yaln eb', to rey xo. Xlaj spoc' eb' sc'ab' smasnil, 'ix yaln eb' 'ixtic: ¡Viva win qui reyal! xchi eb'.

2 Cr 22:11

Palta ax 'ix Joseba yisl rey Joram, xyi'n 'el 'ix Joás 'a scal jun tzo'n̈ xo eb' yunnal Ocozías, atn eb' wan laj smilx cham cha, sc'ub'n 'el 'ix win 'a jun cuarto 'a yatut Dios yet' 'ix tzq'uib'tzan winac. 'Ixtnta xyutj 'ix Joseba sc'ub'n 'el winac. Yuj cha, ma'ix chami. A 'ix Joseba cha, yisl rey Joram 'ix, yanb' Ocozías, yistzil Joiada ya'mal 'och sti eb' 'anma 'a Dios.

2 Cr 23:10

'Ix 'ajx 'och smasnil eb' winc chi 'a stzol-l yu'uj, junjn eb', yamb'il yespada 'a sc'ab', yic tztan̈wni eb' win rey, x'och oyn eb' 'a schan̈paq'uil sti yamq'uil yatut Dios, 'a 'aj 'ay yet'l xajmb'al, yet' 'a spuertail yatut Jehová cha.

2 Cr 23:12

A yic xyab'n 'ix Atalía yel yaw eb' 'anma yeq'ui, tzb'inan pax eb' win rey, yuj cha, x'at 'ix 'a yatut Jehová.

Salmos 132:18

Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.

Salmos 21:3

Til wal yaxilal 'ix ac' 'a 'a, 'ix a'n q'ue jun corona to nab'a oro 'a sjolom.

Salmos 78:5

A Dios 'ix 'a'n can jun ley 'a eb' qui mam quichmec atn eb' yin̈tl Jacob. Xya'n can jun tzo'n̈ checnb'il chi 'ayn̈ an̈ Israel on̈c tic. 'Ix yaln can 'a eb' qui mam quichmec to tzon̈ scuyc can eb'. An̈ec xo 'oj qui cuyc can pax eb' cunnalec,

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.

Salmos 89:39

'Ix a ju a trato yet' win a checab', xa juln 'ejm can scorona 'a sat lu'um.

Ex 25:16

Tzlajw cha, tza'n 'ejm eb' q'uen q'uen 'aj tz'ib'b'il 'och in checnb'il 'a yojl te caxa cha, atn eb' q'uen 'oj wac' 'aych tic.

Ex 25:21

Tzlajw cha, tza'n q'ue smac te caxa cha, palta tza'cn 'ejm eb' q'uen q'uen 'aj 'aych in checnb'il 'a yojl te', atn eb' q'uen 'oj wac' 'aych tic.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Is 8:16

Ex in cuywum, molc can jun tzo'n̈ cuynb'il tic 'a e nab'en, may cab' b'a'n̈ tzsat 'a e c'ojol.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Mt 21:9

Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Apoc 19:12

Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac.

Apoc 4:10

ax eb' 24 'ichmtac winc cha, tz'em cumn eb' 'a yojltac. Tzya'n 'ejm sb'a eb' 'a jun 'ayc' 'a jun 'ejmn̈ej. Tzpachn 'ejm eb' scorona 'a yojltac sdespacho. Tzyaln eb' 'ixtic:

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.