2 Cr 22:9 - Chuj San Sebastian Bible

⁹ 'Ix ya'n sayxc 'ec' Ocozías, yujto 'ix sc'ub'j 'el sb'a 'a Samaria, ax x'aji 'ix yamchj yuj eb'. Xyi'n 'at eb' 'a Jehú, axta xmilx chamoc. Palta xmucx yuj eb', yujto sna eb' to yin̈tl Josafat winac, win x'a'n servil Jehová 'a smasnil sc'ojol. Ax 'a scal eb' yin̈tl Ocozías, man̈x 'a junc eb' ste'wtzej sb'a yochcn reyal.

Chuj San Mateo Bible

⁹ Ix schecan vin̈ saychaj ec' vin̈aj Ocozías chi', yujto a d'a Samaria ix sc'ub'ejel sb'a vin̈, palta ix yamchaj vin̈ yuj eb', ix yic'anb'at vin̈ eb' d'a vin̈aj Jehú chi', axo ta' ix miljicham vin̈ yuj vin̈. Ix yalan eb' icha tic: Co muquec vin̈, yujto yin̈tilal vin̈ vin̈aj Josafat, vin̈ ac'jinac servil Jehová d'a smasanil sc'ool, xchi eb'. A d'a scal eb' sc'ab' yoc vin̈aj Ocozías chi', man̈xa junoc mach ix stec'b'ej sb'a yochcan reyal.

2 Cr 22:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:21

Caw pit xotj a b'a 'a schecnb'il Jehová qui Diosal 'ix yal 'ayach,

A Ch'an̈ B'ab'el Libro Yic Yab'ixal Eb' Rey 14:13

Ax smasnil eb' chon̈ab', caw 'oj cus eb' yu'uj, ax smucn eb' jun 'unn cha. Yujto cojn jun yin̈tl win Jeroboam chi 'oj mucxoc, cojn jun 'unn chi wach'tac 'a sat Jehová qui Diosalec an̈ israel on̈c tic 'a scal eb' yin̈tl Jeroboam.

A Ch'an̈ Schab'il Libro Yic Yab'ixal Eb' Rey 9:34

Xlajw cha, 'ix 'at Jehú wa'oc, 'ix yu'n tas tzyuq'uej. A yic xlajw swa Jehú, 'ix yaln 'ixtic: —'Iltec tas tzeyutj jun 'ix caw maysch'olnil cha, mucc 'ix, yujn̈ej to yisl rey 'ix, xchi 'a eb'.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

2 Cr 21:17

Yuj wal cha, 'ix 'at eb' yac' owl yet' Judá, x'ajx ganar jun nacion̈ chi yuj eb', 'ix yi'n eb' smasnil sricoal win rey 'ay 'a sdespacho, yet' smasnil yunnal, yet' eb' 'ix yistzil winac, cojxn̈ej jun win xcani, atn Ocozías, win slajb' 'unnal winac.

2 Cr 21:20

A yic 'ix chan 'el yich ya'n reyal, 32 ab'il sq'uinal, wajxque ab'il xyac' reyl 'a Jerusalén. A yic 'ix chami, may junc mach x'oc' yu'uj. Ata smuc eb' 'a Schon̈b' David, palta man̈oc 'a 'aj tzmucx eb' rey.

2 Cr 21:4

A Joram cha, a yic 'ix yi'n yip 'a yopiso 'a sreyal, 'ix stzu' cham smasnil eb' yu'tac, an̈jtona', 'ix stzu' cham jun tzo'n̈ eb' yajl yaj 'a chon̈b' Israel.

2 Cr 22:8

A yic wan smiln cham Jehú eb' yin̈tl Acab, 'ix 'ilchj eb' yajl yaj 'a Judá, yet' eb' yunnal eb' yican Ocozías, atn eb' ajun yet'oc, 'ix smiln pax cham Jehú eb'.

2 Cr 24:25

A yic x'el paxt eb' sirio chi ta', jab'xoj ma'ix chamcn yuj eb', xya'cn 'och eb' syailal si'mb'il. Ax eb' 'aych yajlil yet'oc, 'ix smol alj eb' tas tzyutj eb' swach' miln chamoc, yic tzya'n can pax eb' spac schamlil win yunnal Joiada, win ya'mal 'och sti eb' 'a Dios. Yuj cha, axta swach' milj cham eb' 'a sat sch'at. Xlajw cha, 'ix mucx 'a Schon̈b' David, palta man̈oc 'a 'aj tzmucx eb' rey.

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

2 Cr 33:24

A eb' 'aych yajlil yet'oc, 'ix meltzj 'och eb' 'ajc'ojlal 'a 'a, smiln cham eb' 'a yol sdespacho.

Jeremías 29:13

An Jehová in, an tzwala to a yic 'oj e jaw 'ayin, 'oj in ch'ox in b'a 'ayex, yujto yet' wal smasnil e c'ojol, ax eya'n 'och e b'a 'a yol in c'ab'.