2 Cr 22:5 - Chuj San Sebastian Bible

⁵ 'Ix sb'eylb'ej snab'en eb' cha, 'ix mol 'at 'a owl yet' Joram yunnal Acab, sreyl chon̈b' Israel. 'Ix ya'n eb' owl yet' Hazael sreyl Siria 'a chon̈b' Ramot 'a yol yic Galaad. Ax Joram cha, 'ix lajw yuj eb' 'aj Siria cha.

Chuj San Mateo Bible

⁵ Yujto ix sc'anab'ajej juntzan̈ pensar chi' vin̈, yuj chi' junn̈ej ix aj spensar vin̈ yed' vin̈aj Joram sreyal Israel, aton vin̈ yuninal vin̈aj Acab. Yuj chi' ix yac' oval eb' vin̈ yed' vin̈aj Hazael sreyal Siria d'a chon̈ab' Ramot d'a yol yic Galaad. Palta ix lajvi vin̈aj Joram chi' yuj eb' sirio chi'.

2 Cr 22:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:3

Wal 'a yojltac win Josafat, 'ix yaln win sreyl Israel chi 'ixtc 'a eb' 'aych yopiso yet'oc: —Ax tic, caw eyojc si'mb'il, to a lum chon̈b' Ramot 'a yol yic Galaad quiquec lu'um, palta ¿tas yuj matz quijec 'ec' lum 'a win sreyl Siria cha? xchi winac.

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

A Ch'an̈ Schab'il Libro Yic Yab'ixal Eb' Rey 3:1

A yic swajxclajn̈il ab'il xo yoch Josafat reyl 'a Judá, 'ix chan 'el Joram yunnal Acab ya'n reyl 'a chon̈b' Israel, lajchwe ab'il 'ix yac' reyl 'a Samaria.

A Ch'an̈ Schab'il Libro Yic Yab'ixal Eb' Rey 8:9

'Ix 'at Hazael yil win schecb' Dios, 'ix yi'n 'at win siylab' caw wal wach' tz'el 'a Damasco. Chawinc no cameyo cuchjnac. A yic 'ix c'och 'a yojltac Eliseo, 'ix yaln 'a win 'ixtic: —A Ben-adad qui reyl on̈, a in checn cot 'ayach yic tzwul in c'anb'noc, toto 'oj b'oxc to jun syailal cha, mto man̈ xo, xchi Hazael cha.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

2 Cr 18:3

A yic cha, 'ix yaln Acab 'a Josafat 'ixtic: —¿Mamtzac yal a c'ojl tzach 'at wet'oc, yic tz'at wa'nc owl yet' chon̈b' Ramot 'a yol yic Galaad? xchi. 'Ix ta'w Josafat 'a 'ixtic: 'Oj in 'at yet' eb' in soldado, 'oj qui 'at et' 'a owl yet' eb' a soldado cha.

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

2 Cr 22:6

Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Dn 5:22

Ach tic mamin rey Belsasar, yixchicn ach jun winc cha, wach'xam ojtac tas 'ajnac, palta matz ej 'ejm xon a b'a jab'oc.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.