2 Cr 22:2 - Chuj San Sebastian Bible

² A yic schan 'el Ocozías yich ya'n reyal, 22 ab'il sq'uinal, jun ab'il xyac' reyl 'a Jerusalén. Atalía sb'i snun, yican Omri 'ix.

Chuj San Mateo Bible

² Ayic ix schaanel yich vin̈aj Ocozías chi' yac'an reyal, 22 ab'il sq'uinal vin̈, junn̈ej ab'il ix yac' reyal vin̈ d'a Jerusalén. Atalía sb'i ix snun vin̈, yixchiquin ix vin̈aj Omri.

2 Cr 22:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 16:28

Ax yic xcham winac, ata xmucx win 'a chon̈b' Samaria. Ax jun yunnal tzcuch Acab, a 'ix 'ochx can reyl sjeloc.

A Ch'an̈ Schab'il Libro Yic Yab'ixal Eb' Rey 8:18

An̈j sb'eyb'al eb' sreyl chon̈b' Israel sb'eylb'ej, yet' sb'eyb'al eb' yin̈tl Acab, yujto a 'ix yisl Acab chi 'ix 'och yistloc. Yuj cha, caw maysch'olnil x'el sb'on 'a sat Jehová.

A Ch'an̈ Schab'il Libro Yic Yab'ixal Eb' Rey 8:26

A yic schan 'el Ocozías yich ya'n reyal, 22 ab'il sq'uinal, jun ab'il 'ix yac' reyl 'a Jerusalén. Atalía sb'i snun, yixchicn win Omri 'ix, win ya'jnac reyl 'a chon̈b' Israel.

2 Cr 21:6

An̈j sb'eyb'al eb' sreyl chon̈b' Israel sb'eylb'ej, yet' sb'eyb'al eb' yin̈tl Acab, yujto a 'ix yistzil win cha, yisl win Acab 'ix, yuj cha, caw maysch'olnil x'el sb'on 'a sat Jehová.

2 Cr 22:1

A smasnil eb' cajn 'a Jerusalén, 'ix ya'ch eb' Ocozías win slajb' 'unnal Joram reyl sjelc smam cha. 'Ixta 'ix 'aji, yujto a eb' árabe ya'jnacx eb' owl yet' eb' 'aj Judá, smiljnac cham eb' jun tzo'n̈ eb' sb'ab'l 'unnal rey Joram cha.

2 Cr 22:3

An̈jtona Ocozías cha, caw sb'eylb'ej pax sb'eyb'al Acab yet' eb' yin̈til, yujto a snun xcuyn 'a tu nab'enal, yujto 'ayt yuj sb'a yet' Acab cha. Yuj cha, caw tu x'el sb'on 'a sat Jehová, 'icha sb'eyb'al eb' yin̈tl Acab. Yujto a yic tox 'ix cham smam, ax eb' yican chi x'a'n sc'ojloc, yic tzjun 'el snab'en.