2 Cr 21:7 - Chuj San Sebastian Bible

⁷ Palta a Jehová ma'ix yal sc'ojl satl yin̈tl David, yuj strato sb'ojnac can yet'oc, yujto ya'jnac can sti 'a 'a, to a yin̈til 'ayc'n̈ej cab' 'a smasnil tiempo.

Chuj San Mateo Bible

⁷ Palta yuj sti' Jehová yac'nac d'a vin̈aj rey David to ol ochn̈ej yin̈tilal vin̈ reyal d'a masanil tiempo, yuj chi' maj yal-laj sc'ol Jehová ix satel eb' yin̈tilal vin̈aj David chi'.

2 Cr 21:7 ပူးပေါင်းရင်းမြစ်များ

A Ch'an̈ Schab'l Libro Samuel 21:17

Ax win Abisai, yune 'ix Sarvia, a win xc'och colnc David, 'ix cham jun filisteo chi yu'uj. Yuj cha, 'ix yac' eb' soldado win rey David sti 'ixtic: Yel xo wach' man̈xtzac ach 'at quet' 'a owal, sec wach' matz ach satl ach 'aych 'och yipc qui c'ojl an̈ israel on̈ tic, xchi eb'.

A Ch'an̈ Schab'l Libro Samuel 23:5

'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

A Ch'an̈ B'ab'el Libro Yic Yab'ixal Eb' Rey 11:13

Ma'oj wi'c yopiso chi smasnil, 'oj wa'cn jun macn̈oc eb' et israelal chi 'a 'a, yujn̈ej in chamc'ojlal 'a in checb' David cha, yuj pax in chamc'ojlal 'a Jerusalén tic, yujto caw an in si'jnac 'eli, xchi.

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.

A Ch'an̈ B'ab'el Libro Yic Yab'ixal Eb' Rey 15:4

Palta yuj schamc'ojlal Jehová 'a David cha, yuj cha, 'ix si'n chan̈ jun yin̈tl cha, yic x'och reyl 'a chon̈b' Jerusalén. Ax jun yin̈tl chi xcoln chon̈b' Jerusalén,

A Ch'an̈ Schab'il Libro Yic Yab'ixal Eb' Rey 8:19

Palta ma'ix yal sc'ojl Jehová tzsatl Judá, yujto ya'jnac sti 'a David, to a junc yin̈tl 'aychn̈ej cab' reyl 'a Judá 'a smasnil tiempo.

A Ch'an̈ Schab'il Libro Yic Yab'ixal Eb' Rey 8:24

A yic 'ix cham Joram, ata 'ix mucx 'a 'aj mucn eb' smam yicham, atn 'a Schon̈b' David. Xlajw cha, ax jun yunnal tzcuch Ocozías, a 'ix 'ochx can reyl sjeloc.

2 Cr 22:11

Palta ax 'ix Joseba yisl rey Joram, xyi'n 'el 'ix Joás 'a scal jun tzo'n̈ xo eb' yunnal Ocozías, atn eb' wan laj smilx cham cha, sc'ub'n 'el 'ix win 'a jun cuarto 'a yatut Dios yet' 'ix tzq'uib'tzan winac. 'Ixtnta xyutj 'ix Joseba sc'ub'n 'el winac. Yuj cha, ma'ix chami. A 'ix Joseba cha, yisl rey Joram 'ix, yanb' Ocozías, yistzil Joiada ya'mal 'och sti eb' 'anma 'a Dios.

2 Cr 23:3

A smasnil eb' syam sb'a cha, sb'o eb' jun strato yet' win rey 'a yatut Dios. 'Ix yaln Joiada 'ixtc 'a eb': 'Iltec, yaj win yunnal can win rey chamnac, atn win tic yowlal tz'och reyal, 'icha yutjnac Jehová ya'n can sti yuj eb' yin̈tl David.

2 Cr 6:16

Yuj cha Mamin Jehová, ach qui Diosal on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a sdespacho yic tzya'n yajlil 'a yib'n̈ chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

Salmos 132:11

Wal yel aljnac 'a David 'ixtic: Ma'oj in jel tas waljnac, a junc onnal a 'oj wa'cn 'och 'a a despacho.

Salmos 89:39

'Ix a ju a trato yet' win a checab', xa juln 'ejm can scorona 'a sat lu'um.

Lc 1:69

'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.