2 Cr 21:2 - Chuj San Sebastian Bible

² A eb' yu'tac Joram, eb' yunnal Josafat, atn eb' tic: Azarías, Jehiel, Zacarías, Micael, yet' Sefatías. A smasnil eb' tic, yunnal Josafat eb', win sreyl Judá.

Chuj San Mateo Bible

^2-3 Ix ac'ji opisio yic reyal d'a vin̈aj Joram chi' yuj vin̈ smam, yujto b'ab'el unin vin̈. Axo eb' vin̈ yuc'tac vin̈, aton vin̈aj Azarías, vin̈aj Jehiel, vin̈aj Zacarías, vin̈aj Azarías, vin̈aj Micael yed' vin̈aj Sefatías. Masanil eb' vin̈ tic, yuninal eb' vin̈ vin̈aj Josafat chi'. Man̈ jantacoc q'uen oro yed' q'uen plata ix siaj d'a eb' vin̈ yuj vin̈ smam chi' yed' juntzan̈xo tas te caro stojol. Ix ac'chajpax chon̈ab' te vach' yajoch smuroal d'a eb' vin̈, aton juntzan̈ ay d'a yol yic Judá.

2 Cr 21:2 ပူးပေါင်းရင်းမြစ်များ

2 Cr 12:6

Yuj cha, a eb' yajl yaj 'a yib'n̈ eb' yit israelal, yet' win rey, caw 'emmquilal xyutj eb' yojcan 'el stenmtaquil, xyaln eb' 'ixtic: —Caw smoj 'ixtc tzon̈ yutjec Jehová, xchi eb'.

2 Cr 21:4

A Joram cha, a yic 'ix yi'n yip 'a yopiso 'a sreyal, 'ix stzu' cham smasnil eb' yu'tac, an̈jtona', 'ix stzu' cham jun tzo'n̈ eb' yajl yaj 'a chon̈b' Israel.

2 Cr 23:2

Atn eb' chi 'ix 'at 'a smasnil yol yic Judá, yic tz'at ya'noc eb' syam sb'a eb' levita yet' eb' yajl yaj 'a yib'n̈ junjn macn̈ eb' israel, yic tzjaw eb' smasnil 'a Jerusalén.

2 Cr 24:16

Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

2 Cr 24:5

Yuj cha, xya'n syam sb'a eb' ya'mal 'och sti eb' 'anma 'a Dios yet' jun tzo'n̈ xo eb' levita cha. Xyaln 'a eb' 'ixtic: 'Ixquec 'a smasnil chon̈b' 'a yol yic Judá, yic tz'at 'eyi'nc chan̈ q'uen tumn tzyac' eb' quit israelal 'a junjn ab'il, sec wach' to tznipx yatut qui Diosalec. Caw tze c'ol eyip, xchi 'a eb'. Palta ax eb' levita ma'ix sc'ol eb' yip.

2 Cr 28:19

'Ix 'ijx 'ejm eb' 'aj Judá yuj Jehová, yujto a Acaz sreyl eb', a 'ix sjucb'tzan eb' 'a maysch'olnil. Caw wal tenmtac xyutj sb'a win 'a Jehová.

2 Cr 28:23

'Ix yac' xajmb'al 'a jun tzo'n̈ scomn diosal eb' 'aj Damasco, yujto x'ajx ganar yuj eb'. Xyaln cob' 'ixtic: A jun tzo'n̈ sdiosal eb' sirio tzcolwj 'a eb' sreyal, an̈jtona 'in, 'oj wac' in xajmb'al 'a jun tzo'n̈ sdiosal eb' cha, sec wach' 'oj colwjc pax eb' 'ayin, xchi Acaz. 'Ixtnta x'aj swach' cot 'a yib'n̈ yet' smasnil eb' yit chon̈ab'.

2 Cr 28:27

'Ix cham Acaz, 'ix mucx 'a chon̈b' Jerusalén, palta man̈oc 'a yet'l eb' rey. Xlajw cha, ax jun yunnal tzcuch Ezequías, a x'ochcn reyl sjeloc.

2 Cr 33:18

Ax jantcto yab'xil tas 'ix 'el sb'on Manasés, yet' slesl 'a Dios, yet' tas 'ix yal eb' schecb' Dios 'a sb'i Jehová sDiosal 'a 'a, ata tz'ib'b'il can smasnil 'a ch'an̈ libro yic yab'xil eb' sreyl Israel.

2 Cr 35:18

Mant 'a 'aj tznax q'uin̈ yic yel eb' israel 'a libre jun 'ejmoc 'icha jun cha, yictax 'a yol stiempoal Samuel win schecb' Dios. May pax junc sreyl chon̈b' Israel 'ix nan jun q'uin̈ 'icha jun 'ix sna rey Josías. To 'a smasnil sc'ojol 'ix snan q'uin̈ yet' eb' ya'mal 'och sti eb' 'anma 'a Dios, eb' levita, eb' 'anma 'aj Judá, yet' eb' israel 'ayc' ta', yet' pax eb' cajn 'a Jerusalén.