2 Cr 21:17 - Chuj San Sebastian Bible

¹⁷ Yuj wal cha, 'ix 'at eb' yac' owl yet' Judá, x'ajx ganar jun nacion̈ chi yuj eb', 'ix yi'n eb' smasnil sricoal win rey 'ay 'a sdespacho, yet' smasnil yunnal, yet' eb' 'ix yistzil winac, cojxn̈ej jun win xcani, atn Ocozías, win slajb' 'unnal winac.

Chuj San Mateo Bible

¹⁷ Ix javi eb' d'a Judá, ix yac' ganar eb'. Ix yic'b'at masanil b'eyumal eb', aton ay d'a spalacio vin̈ rey chi', ix ic'chajb'at masanil yuninal vin̈ yed' eb' ix yetb'eyum vin̈. Axon̈ej vin̈aj Joacaz slajvub' yuninal vin̈ ix cani.

2 Cr 21:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 10:13

Ata schaj 'el'ch sb'a yet' jun tzo'n̈ eb' yican Ocozías sreyl Judá, 'ix sc'anb'n 'a eb' 'ixtic: —¿Mach 'ayx yico'? xchi 'a eb'. —An̈ tic on̈, quican qui b'a yet' Ocozías on̈, to tzon̈ jaw wul cac' stzatzl sc'ojl eb' yunnal win rey, yet' eb' yune 'ix reina Jezabel, xchi eb'.

2 Cr 22:1

A smasnil eb' cajn 'a Jerusalén, 'ix ya'ch eb' Ocozías win slajb' 'unnal Joram reyl sjelc smam cha. 'Ixta 'ix 'aji, yujto a eb' árabe ya'jnacx eb' owl yet' eb' 'aj Judá, smiljnac cham eb' jun tzo'n̈ eb' sb'ab'l 'unnal rey Joram cha.

2 Cr 22:6

Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

2 Cr 24:7

Yujto a 'ix Atalía cha, caw tu snab'en 'ix yet' eb' 'ochnc tza'n yu'uj, yuj cha, xjuw can 'el yatut Dios yuj eb'. A jun tzo'n̈ yamc'ab' to niwn yel'ch 'a yatut Dios cha, sc'anjnac eb' yic tz'och eb' 'emmquilal 'a jun comn dios tzcuch Baal.

2 Cr 25:23

'Ix yamchj Amasías sreyl Judá yuj win sreyl Israel 'a Bet-semes cha, xlajw cha, 'ix 'ijx 'at 'a Jerusalén yu'uj. 'Ix sma'n can lan̈chjoc eb' israel chi smuroal jun chon̈b' cha, tzchaj 'at 'a spuertail yic Efraín masnto 'a spuertail schicn jun muro cha. 'Aym junc 180 metro x'aj sat jun b'e chi yuj eb'.

Jl 3:5

Ax tic, xeyel'j q'uen plata yet' q'uen oro 'ayin, xeyi'n 'at in ricoal 'a yet'l e diosal.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.