2 Cr 21:15 - Chuj San Sebastian Bible

¹⁵ Ax 'a 'ayach, til wal yailal 'oj jawc 'a eb'an̈. 'Oj chiwjoc a c'ojol, caw 'ipn sniwtj syal 'a junjn c'u, masnto 'oj 'eltc a ch'an̈quin yuj jun yab'il cha, xchi Dios, xchi Elías.

Chuj San Mateo Bible

¹⁵ A achxo tic, ay jun ilya ol javoc d'a ib'an̈. Ol och jun ya c'ool d'ayach, junjun c'u ol te nivtajoc, masanto ol yal yelta a ch'an̈ tza' yuj jun ilya chi', xchi Jehová, xchi jun scarta vin̈aj Elías chi'.

2 Cr 21:15 ပူးပေါင်းရင်းမြစ်များ

2 Cr 21:14

Yuj wal cha, 'oj wa' cot jun niwquil yailal 'a yib'n̈ a chon̈ab', 'a yib'n̈ onnal, 'a yib'n̈ eb' 'ix estzil, yet' 'a yib'n̈ smasnil tas 'ay 'ayach.

Salmos 109:18

B'ut'j cab' 'och maysch'olnil chi 'a 'a, 'icha cab' spichl tz'ajchi; 'icha xoj cab' a tz'aj yol sc'ojol, 'icha cab' aceite xoj tz'aj yol sb'aquil.

Nm 5:27

Toto x'och smul 'ix 'a yol sc'ab' yichmil, a jun a 'oj yuc' 'ix cha, c'a 'oj 'aj yol sc'ojl 'ix yuj a', 'oj malchan̈ sc'ojl 'ix, ax stz'onb' pax 'el sniwnal 'ix, ax yochcn 'ix ch'oxnb'il yic maysch'olnilal 'a scal eb' yit chon̈ab'.

A Tas Sc'ulejnac Eb' Schecab' Jesús Hechos 1:18

Palta schaj win tumn 'a spatquil jun maysch'olnil 'ix sb'o'o. Sman win jun slum yet' q'uen tumn cha. Xlajwn̈ej cha, xpilch'j cot n̈ojnjoc winac. Xn̈i'chj 'elt yol sc'ojol.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

Dt 28:37

'Oj sat sc'ojl jun tzo'n̈ xo nacion̈ eyu'uj, tu eyilx 'a sat eb'. 'Oj e b'uchx yuj eb' 'anma 'aj 'oj ex yi't Jehová.

Dt 28:59

To 'ixta', 'oj ya' cot Jehová wal niwc yailal 'a eyib'an̈, yet' 'a yib'n̈ eb' eyin̈til. 'Oj jawc jun tzo'n̈ yab'il to man̈x 'a yan̈il.

Dt 28:61

An̈jtona', 'oj ya' cot pax jun tzo'n̈ xo yailal to man̈xtzac b'inax 'a yojl ch'an̈ un̈ yic cuynb'il tic, masnto 'oj e lajw 'el yu'uj.

Dt 28:67

Til wal xiwc'ojlal 'oj jawc 'ayex, yujto til wal tas 'ay smay 'oj eyila'. A 'a yic sq'uin̈b'ial, 'oj eyal 'ixtic: Comnoc 'ay mayoc sq'uic'b'i, 'oj e chioc. Ax 'a yic 'ac'wl cha, 'oj eyal pax 'ixtic: Comnoc 'ay mayoc sacb'i, 'oj e chioc.