2 Cr 21:13 - Chuj San Sebastian Bible

¹³ palta a sb'eyb'al jun tzo'n̈ sreyl chon̈b' Israel tza b'eylb'ej, yujto a eb' 'aj Jerusalén yet' jun tzo'n̈ xo eb' 'aj Judá o'oj 'ix yaln sb'a eb' 'a jun tzo'n̈ comn dios, 'icha yutjnac sb'a eb' yin̈tl Acab. An̈jtona', 'ix a tzu'n cham pax eb' o'tac, atn eb' yunnal a mam. A eb' cha, yel xo wach' eb' 'a eb'an̈.

Chuj San Mateo Bible

¹³ palta to a sb'eyb'al eb' vin̈ sreyal Israel van a b'eyb'alani. Yuj chi' masanil eb' aj Judá yed' eb' aj Jerusalén, uuj pit syutej sb'a eb' d'ayin icha val sb'eyb'al eb' yin̈tilal vin̈aj Acab chi'. An̈ejtona' ix a milpaxcham eb' vin̈ uc'tac, a eb' vin̈ chi' vach' sb'eyb'al eb' vin̈ d'a ichan̈.

2 Cr 21:13 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 16:25

A win Omri cha, yel xo wal maysch'olnil tas sb'o win 'a sat Jehová, 'ec'b'al xo wal sayn win smulc 'a yib'n̈ ewin rey 'e'nc 'a yaln̈tax cha.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

2 Cr 21:11

An̈jtona 'ix sb'on pax Joram jun tzo'n̈ macsej 'a jolmctac witz 'a yol yic Judá, 'ix yaln sb'a eb' chon̈b' 'a 'a. A yuj jun tzo'n̈ cha, 'ix juw 'el eb' 'aj Jerusalén, 'ixta x'aj spitb' 'el snab'en eb' 'ay 'a yol yic Judá cha.

2 Cr 21:14

Yuj wal cha, 'oj wa' cot jun niwquil yailal 'a yib'n̈ a chon̈ab', 'a yib'n̈ onnal, 'a yib'n̈ eb' 'ix estzil, yet' 'a yib'n̈ smasnil tas 'ay 'ayach.

2 Cr 21:4

A Joram cha, a yic 'ix yi'n yip 'a yopiso 'a sreyal, 'ix stzu' cham smasnil eb' yu'tac, an̈jtona', 'ix stzu' cham jun tzo'n̈ eb' yajl yaj 'a chon̈b' Israel.

2 Cr 21:6

An̈j sb'eyb'al eb' sreyl chon̈b' Israel sb'eylb'ej, yet' sb'eyb'al eb' yin̈tl Acab, yujto a 'ix yistzil win cha, yisl win Acab 'ix, yuj cha, caw maysch'olnil x'el sb'on 'a sat Jehová.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

Ex 34:15

Yuj cha, may wal junc trato tztac' e b'on yet' eb' 'anma cajn 'a sat lum lum cha. A yic tzlaj ya'noc 'ejm sb'a eb' 'a sdiosal cha, yic tzlaj ya'nc eb' xajmb'al chi 'a 'a, toq'ue tzex yawtj eb' yic tze c'uxn jun tzo'n̈ xajmb'al chi yet' eb', caw man̈ e cha'.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Habacuc 2:12

'Oltacx wali, xcob' laj e b'o e chon̈b' yuj smasnil tas xlaj eyac' ganar 'a spatc maysch'olnil. Ex 'och ricoal yuj e milm cham 'anma'il.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.