2 Cr 20:9 - Chuj San Sebastian Bible

⁹ Toto 'oj jawc junc yailal 'a quib'n̈ yuj qui maysch'olnilal on̈: atn owal, yab'il, mto wejel, toto 'oj qui jaw 'a ojltac 'a jun atut tic on̈, yujto 'aych 'ec' 'a 'a, toto 'a scal qui yailal, tzqui c'ann a colwal, toto 'ixta', 'oj 'ab' qui lesal, ax on̈ a colni, xchi eb'.

Chuj San Mateo Bible

⁹ Tato sjavi junoc yaelal d'a quib'an̈ ma junoc oval sjavi yuj co chucal, ma ilya, ma vejel, ol on̈ javoc d'a ichan̈ d'a a templo tic, yujto ayach ec' d'ay. A d'a scal co yaelal chi' ol co c'an a colval, ol ab'an tas ol co c'ana', ol on̈ a colani, xchi eb'.

2 Cr 20:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:30

Maclj wal ab' in lesl tic 'an, yet' yic eb' wit israelal tic yic tzleslwi eb' 'aych 'a jun lugar tic. 'Aych wal 'ec' 'a satcha'an̈, a yic tzab'ni, tza'n lajwc qui mul pax 'a quib'n̈ on̈.

A Ch'an̈ B'ab'el Libro Yic Yab'ixal Eb' Rey 8:33

Q'uinloc tzon̈ 'ajx ganar an̈ israel on̈ tic yuj eb' 'ajc'ojol, yuj qui maysch'olnil tz'och 'ayach, toto tzqui na qui b'a, tzcaln qui b'a 'aych 'a lesal, tzon̈ tew pax 'aych 'a jun n̈a tic,

A Ch'an̈ B'ab'el Libro Yic Yab'ixal Eb' Rey 8:37

Toq'ue 'ay 'aj 'oj tacjoc 'el cawb'en yuj cuaresma, mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ qui chon̈b' tic on̈. Toq'ue 'oj jawc oynjoc eb' 'ajc'ojl 'a qui chon̈ab', ax sjaw tzann̈j yailal tzon̈ satn 'eli, to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

2 Cr 20:8

A yic 'ix can cajn eb' qui mam quichm 'a sat lum a lum tic, 'ix sb'o chan̈ eb' jun a cajnub', 'ix yaln eb' 'ixtic:

2 Cr 6:20

Q'ueln achn̈ej cab' 'och 'a jun atut tic 'a sc'ual, yac'wlil, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

2 Cr 6:5

Yictax wi'n 'elt in chon̈b' 'a Egipto, may junc chon̈b' xin si'l 'a scal yin̈tl Israel, yic ata tzb'o junc watut 'aj tzin 'aj cajan, yic tzb'inax in b'i ta', mant 'a pax junc winc tox xin si'li, yic tzjucb'tzan in chon̈b' tic,

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 91:3

A Jehová 'oj qui colnec 'el 'a yol sc'ab' junc ch'an̈ yal c'ultac yaji, yet' pax 'a jun tzo'n̈ yab'il tz'och chaml yu'uj.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Ex 23:21

Man̈ eyi'l e b'a 'a stz'ey jun ángel cha, man̈ e pitc e b'a 'a 'a, caw tzeyiclj tas 'oj yala', yujto a tzmunlj in jeloc. A jun cha, ma'oj yac' lajwc e mul 'a eyib'an̈.

Mt 18:20

Yujto tzann̈j 'aj 'ay chawn̈oc mto 'oxwn̈oc mach tzyam sb'a, yic tzyaln sb'a eb' 'ayin, 'ayn 'ec' yet' eb', xchi Jesús.