2 Cr 20:4 - Chuj San Sebastian Bible

⁴ Yuj cha, a smasnil eb' 'anma 'ay 'a smasnil chon̈b' 'a yol yic Judá, 'ix syam sb'a eb' 'a Jerusalén yic tzc'ann eb' scolwal Jehová yet'oc.

Chuj San Mateo Bible

⁴ Ix cot masanil anima d'a junjun chon̈ab' d'a yol yic Judá chi' yic sc'anan scolval Jehová eb' yed' vin̈.

2 Cr 20:4 ပူးပေါင်းရင်းမြစ်များ

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

2 Cr 19:5

'Ix ya'ch eb' juez 'a smasnil chon̈b' to 'aych smuroal 'a yol yic Judá.

2 Cr 20:5

Xlajw cha, 'ix q'ue lin̈n Josafat 'a scal eb' 'anma cha, 'a yojltac jun 'a't 'amc' yic yatut Jehová.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 56:4

Mamin, caw tzach wa'ch yipc in c'ojol, tzwaln wach' paxti 'a tas aljnac, yuj cha, matz in xiwi. ¿Toc 'ayt wal 'oj in yutc eb' 'anma to chaml b'a yaji?

Salmos 69:35

A 'oj colnc 'el Sión, ax sb'on pax chan̈ chon̈b' Judá jun 'ejm xo. Ax yin̈tl eb' schecab', a eb' 'oj cajnc jun chon̈b' cha. Ata 'oj cann̈j cajn eb', ax yoch eb' 'aj chon̈b'al ta', atn eb' 'ay schamc'ojlal 'a 'a.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Am 5:4

Meltzjan̈c 'ayin, sec ma'oj e chami.

Sofonías 2:1

Ex 'anma to may jac e q'uixwel, yam'tzejc e b'a, nac e b'a,