2 Cr 20:29 - Chuj San Sebastian Bible

²⁹ A yic 'ix 'ab'xi to a Jehová x'a'n owl yet' eb' 'ajc'ojl yajch 'a eb' israel, caw 'ix xiw smasnil jun tzo'n̈ xo nacion̈ 'a Dios cha.

Chuj San Mateo Bible

²⁹ Ayic ix ab'chaji to a Jehová ix ac'an oval yed' eb' ayoch ajc'olal d'a eb' israel chi', ix te xiv masanil juntzan̈xo nación d'a Dios chi'.

2 Cr 20:29 ပူးပေါင်းရင်းမြစ်များ

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

2 Cr 14:13

Ax Asa, yet' eb' soldado 'ix 'at eb' 'a spatquil eb', masnto 'a Gerar. X'ajx ganar eb' etíope cha, man̈x 'a jac tas xcan 'a eb'. Man̈x 'ic stac' ste'wtzan sb'a eb' 'a sat Jehová yet' 'a sat eb' soldado, yujto c'uxn xyijcan 'ec' eb' soldado Asa tastc 'ay 'a eb'.

2 Cr 14:14

An̈jtona', 'ix ya'n pax eb' owl yet' jun tzo'n̈ chon̈b' 'ay 'a stz'ey Gerar cha, 'ix jaw xiwc'ojlal 'a scal eb' yuj Jehová. C'uxn 'ix yij 'at eb' yic Judá chi smasnil tastc 'ay 'a jun tzo'n̈ chon̈b' cha, yujto man̈x yalnb'ilc ricoal 'ay 'a 'a.

2 Cr 17:10

Yuj cha, a smasnil jun tzo'n̈ chon̈b' 'ay 'a sla'nil Judá, caw 'ix xiw eb' 'a Jehová, man̈xtoc x'och eb' 'a owl yet' Josafat.

2 Cr 20:28

A yic 'ix jaw eb' 'a Jerusalén, x'at eb' 'a yatut Jehová, 'aych salterio, arpa, yet' trompeta yuj eb'.

Salmos 76:8

A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.

Ex 14:14

Man̈ ex 'och 'il, a Jehová a 'oj yac' owl eyu'uj, xchi Moisés 'a eb' 'anma cha.

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Ex 23:27

'Oj in xib'tc eb' 'anma tzchichn 'och 'ayex, ax wa'n somchjoc 'el eb' tzeyac' owl yet'oc. Smasnil eb' 'ajc'ojl yajch 'ayx 'a junjn chon̈b' 'aj 'oj eyeq'ui, an 'oj wac' 'at eb' 'elc 'ayex.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.