2 Cr 20:27 - Chuj San Sebastian Bible

²⁷ Xlajw cha, 'ix b'ab'lj Josafat, caw wal tzaljc'ojlal 'ix meltzj yet' eb' 'ay 'a Judá yet' eb' 'ay 'a Jerusalén. A Jehová x'a'n stzaljc'ojlal eb', yujto 'ix colchj 'el eb' 'a yol sc'ab' eb' 'ajc'ojl cha.

Chuj San Mateo Bible

²⁷ Ix lajvi chi', d'a tzalajc'olal ix b'ab'laj vin̈aj Josafat yuj eb' aj Judá yed' eb' aj Jerusalén, yujto a Jehová ix ac'an jun tzalajc'olal chi' d'a eb' yujto ix ac'ji ganar eb' ajc'ol chi'.

2 Cr 20:27 ပူးပေါင်းရင်းမြစ်များ

2 Cr 20:26

Ax 'a schan̈l c'ual, 'ix syamn sb'a eb' 'a jun pan̈n 'a'lic. Ata 'ix yal eb' wach' paxti 'a Jehová. Yuj cha, 'ix ya'n can eb' tzcuch jun lugar chi Beraca, tzyal 'el'chi alj wach' paxti'.

2 Cr 20:28

A yic 'ix jaw eb' 'a Jerusalén, x'at eb' 'a yatut Jehová, 'aych salterio, arpa, yet' trompeta yuj eb'.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Salmos 20:5

'Oj qui tzalji yic 'oj 'ejmc eb' 'ajc'ojl o'oj, ax qui'n chan̈ qui bandera 'a sb'i qui Diosal. Ya' cab' Jehová smasnil tas tza c'an 'a 'a, xchi eb' chon̈ab'.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Ez 46:10

A win yajl cha, yowlal tz'oxt win yet' eb' 'anma cha, ax yic tz'elx eb', yowlal tz'elx win yet' eb'.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

A Ch'an̈ Carta D'a Eb' Hebreo 6:20

Ata b'ab'l 'ochnc Jesús, yic sjacn 'ayn̈ec. Yujto 'ac'b'il yopiso ya'n 'och qui tic 'a Dios 'a smasnil tiempo, 'icha win Melquisedec pecti'.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.