2 Cr 20:26 - Chuj San Sebastian Bible

²⁶ Ax 'a schan̈l c'ual, 'ix syamn sb'a eb' 'a jun pan̈n 'a'lic. Ata 'ix yal eb' wach' paxti 'a Jehová. Yuj cha, 'ix ya'n can eb' tzcuch jun lugar chi Beraca, tzyal 'el'chi alj wach' paxti'.

Chuj San Mateo Bible

²⁶ Axo d'a schan̈il c'ual, ix smolb'an sb'a eb' d'a jun ac'lic scuchan Beraca. Ata' ix yal vach' lolonel eb' d'a Jehová. Yuj chi' span̈anil Beraca ix sb'iejcan jun lugar chi' yuj eb'. (Beraca syalelc'ochi aloj vach' lolonel.)

2 Cr 20:26 ပူးပေါင်းရင်းမြစ်များ

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

Gn 32:20

Tzeyaln 'ixtic: A 'a checb' Jacob, tza'n sjaw 'a qui patc on̈, xe chi 'a 'a, xchi win 'a ewin schecb' cha. Yujto sna win Jacob 'ixtic: Tecn 'oj sicb'oc 'ejm yowl sc'ojl Esaú yuj jun tzo'n̈ siylab' xwac' b'ab'ljoc wuj tic, 'ixta 'oj wutc wiln in b'a yet'oc; toto 'ixta', tecn 'oj in scha 'a tzaljc'ojlal, xchi.

A Ch'an̈ Schab'l Libro Samuel 22:1

'Ix sb'itnej rey David jun b'it tic 'a Jehová, yic sc'ul xcolx 'el yuj Jehová 'a yol sc'ab' Saúl, yet' 'a yol sc'ab' jun tzo'n̈ xo eb' 'ajc'ojl yajch 'a 'a.

1 Cr 12:3

Atn eb' tic: Ahiezer, a yajl yaj yet' Joás atn yu'tac, yunnal Semaa eb', 'aj chon̈b' Gabaa eb'; Jeziel yet' Pelet, yunnal Azmavet eb'; Beraca yet' Jehú 'aj chon̈b' Anatot.

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

2 Cr 20:27

Xlajw cha, 'ix b'ab'lj Josafat, caw wal tzaljc'ojlal 'ix meltzj yet' eb' 'ay 'a Judá yet' eb' 'ay 'a Jerusalén. A Jehová x'a'n stzaljc'ojlal eb', yujto 'ix colchj 'el eb' 'a yol sc'ab' eb' 'ajc'ojl cha.

2 Cr 5:9

A eb' te scan̈nub'al cha, caw niwc yoc te', checl 'el-l te 'a jun Lugar to a Dios 'ay yico', wach'xam man̈ checloc te 'a spatquil 'elta, palta 'ix cann̈j te 'ixta'.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

A Tas Sc'ulejnac Eb' Schecab' Jesús Hechos 1:19

A eb' 'ay 'a Jerusalén tic, c'uxn xyab' eb' speclal jun cha. Yuj cha, xya'n eb' sb'ic jun lum chi Acéldama 'a sti eb'. Tzyal 'el'chi, Lum Schic'l 'Anma'.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.