2 Cr 20:22 - Chuj San Sebastian Bible

²² Ax yic schan 'el eb' yich sb'itnan b'it, yic alj wach' paxti', 'ix ya'n 'elt Jehová jun tzo'n̈ winc 'a sat eb' amonita, eb' moabita yet' eb' xcot 'a lum jolm witz 'a Seir, eb' to tzcob' yac' owl yet' Judá yalni. 'Ix syamn 'och eb' smiln cham sb'a.

Chuj San Mateo Bible

²² Ayic ix schaanel yich eb' sb'itan vach' lolonel chi' d'a tzalajc'olal chi', axo Jehová ix ac'anoch somc'olal d'a scal eb' van scot yac' oval yed' eb' aj Judá chi', aton eb' amonita, eb' moabita yed' eb' ix cot d'a tzalquixtac yic Seir chi'. Yuj chi' ix ac'ji ganar eb'.

2 Cr 20:22 ပူးပေါင်းရင်းမြစ်များ

A Ch'an̈ Schab'l Libro Samuel 22:4

Ach Jehová, smoj wal yalx wach' paxti 'ayach; a yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.

A Ch'an̈ Schab'il Libro Yic Yab'ixal Eb' Rey 6:17

'Ix leslwi Eliseo 'ixtic: Tzin tew 'aych Mamin Jehová, to tza jac sat win in checb' tic sec to 'oj yila', xchi. 'Ix sjacn Jehová sat win checb' cha, 'ix yiln winac to a 'a jolmctac witz, oyn cot eb' soldado, 'ay q'ue eb' 'a yib'n̈ chej yet' 'a yol caruaje to nab'a c'ac', oyn 'och eb' 'a Eliseo cha.

2 Cr 13:13

Palta ax Jeroboam tox 'ix yal 'a nan̈l eb' soldado chajtlto a 'a spatquil eb' soldado yic Judá ata tzjaw eb', ax nan̈l xo eb' soldado Jeroboam cha, 'ix can eb' 'a yojltac eb' yic Judá cha.

2 Cr 13:15

Ax yic x'el yaw eb' yic Judá chi ya'n owal, ax Dios 'ix 'a'n 'ajxc ganar Jeroboam chi yet' smasnil eb' yit israelal, 'ix 'ejm eb' yuj Abiam sreyl Judá.

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

2 Cr 21:8

A 'a yol stiempoal rey Joram, 'ix yi'n 'el sb'a eb' 'aj Edom 'a yaln̈ schecnb'il eb' 'aj Judá, 'ix ya'n 'och eb' sreyl 'a mun yol yico'.

2 Cr 5:13

Xlajw cha, junn̈j xyutj eb' yutz'n strompeta cha, junn̈j xyutj eb' sjaj sb'itni, junn̈j xyutj pax eb' yaln wach' paxti', yuj yaln eb' yuj diosal 'a Jehová. 'Ix 'utz'x trompeta, 'ix yucx platillo, yet' jun tzo'n̈ xo yamc'ab', yic tz'och b'it 'a Dios. Ya' sb'a wan sb'itn eb', 'ix yaln eb' 'ixtic: Calc wach' paxti 'a Jehová, yujto yel xo wach' snab'en, yujto 'ay schamc'ojlal 'a jun 'ejmn̈ej, xchi eb' 'a sb'it. A 'a yic jun rato cha, 'ix macchj 'el yol yatut Jehová chi yuj jun 'asun.

Salmos 18:4

A smay chamel, 'ix 'ec' oyyoc 'a in patic. 'Ix jaw xiwc'ojlal 'ayn yuj eb' milm 'anma', 'icha junc a 'elmal a caw 'ay yip.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Ez 38:21

An 'oj wa' cot smasnil yailal 'oj xib'tnoc win Gog yet' eb' soldado. 'Oj wa' cot yab'il 'a yib'an̈, chamel yet' owal. Ax wa'n cot niwc sacb'at 'a yib'n̈ yet' eb' soldado yet' eb' yic jun tzo'n̈ xo nacion̈ ajun yet'oc. 'Oj cot pax 'ic'n̈ab', c'ac' yet' azufre 'a yib'n̈ eb', ax laj smil-lan sb'a eb' soldado chi yet' yespada.

Josué 6:16

A yic xyutz'n eb' no scacha chi 'a yuc 'ejmal, 'ix yaln Josué 'a eb' 'anma chi 'ixtic: Ca'c 'el caw, yujto a Jehová tox 'ix yac' jun chon̈b' tic 'a yol qui c'ab'ec.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

A Ch'an̈ B'ab'el Libro Samuel 14:16

Ax eb' macwjum 'aych yuj Saúl 'a Gabaa 'a yol yic Benjamín, ax xyiln eb' to caw sactzicnac yec' eb' filisteo chi 'elc yuj xiwlal.

A Ch'an̈ B'ab'el Libro Samuel 14:20

Xlajw cha, xya'n Saúl syam sb'a smasnil eb' chon̈b' ajun yet' cha, 'ix 'at eb' 'aj 'aych owl cha. Ax xyiln eb', to caw tox somchj 'el eb' filisteo cha, mun xoj a eb' tzmil cham sb'a.