2 Cr 20:20 - Chuj San Sebastian Bible

²⁰ Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Chuj San Mateo Bible

²⁰ Axo d'a q'uin̈ib'alil d'a junxo c'u chi', ac'valto ix q'ue van eb' smasanil, ix b'at eb' d'a sb'eal tz'inan luum yic Tecoa. Ayic van sb'at eb' chi', ix och tec'tec' vin̈aj Josafat, ix yalan vin̈ d'a eb' icha tic: Ab'ec tas ol val ex aj Jerusalén yed' ex aj Judá: Caq'uecoch Jehová co Diosal yipoc co c'ool, malaj tas ol on̈ ic'anoc, scac'anpaxoch eb' schecab' Dios tic yipoc co c'ool yic vach'n̈ej ol aj quelc'ochi, xchi vin̈ d'a eb'.

2 Cr 20:20 ပူးပေါင်းရင်းမြစ်များ

A Ch'an̈ Schab'l Libro Samuel 14:2

Yuj cha, 'ix 'at ya'nc win Joab cot jun 'ix 'ix caw jeln snab'en 'a chon̈b' Tecoa. 'Ix yaln win 'ixtc 'a 'ix: —Tza tz'ac cus a b'a, tza'n 'och a pichl yic cusc'ojlal; man̈ a'ch pax perjuma 'ayach, 'icha wal junc 'ix to 'ayx tiempo yoch 'a cusc'ojlal yuj junc mach chamnc 'a 'a, 'ixta tzotj a b'a.

1 Cr 4:5

A Asur, atn smam Tecoa, 'ay chawn̈ yistzil, atn 'ix Hela yet' 'ix Naara.

2 Cr 20:19

Ax jaywn̈ eb' levita, eb' to yin̈tl Coat, yet' eb' yin̈tl Coré, yajn̈ej 'ix q'ue lin̈n eb' yaln wach' paxti 'a Jehová sDiosal chon̈b' Israel. Caw 'ip 'ix yutj eb' yalni.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Ex 14:31

A yic xyiln eb' israel sniwquil poder Jehová sch'ox 'a eb' 'aj Egipto cha, caw wal xiw eb', yuj cha, 'ix ya'n 'och eb' Jehová yipc sc'ojol, schan pax eb' yab'i', to a Moisés caw yel schecb' Dios yaji.

Is 26:3

Mamin Jehová, ach tzac' sjunc'ojlal eb' to te'nn̈ej yaj snab'en, yujto cojn ach 'aych 'och yipc sc'ojl eb'.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Jn 11:40

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.