2 Cr 20:2 - Chuj San Sebastian Bible

² Xlajw cha, 'ix jaw jaywn̈ eb' wul yal 'a Josafat sreyl Judá 'ixtic: A 'a Edom yet' 'a junx sc'axpil 'ec' a Mar Muerto, ata tzcot nan̈l soldado yic tzwul ya'n owl et'oc. Yajx 'ec' eb' 'a Hazezón-tamar, xchi eb'. (A jun chon̈b' cha, atn pax tzcuch En-gadi.)

Chuj San Mateo Bible

² Yuj chi' ix javi jayvan̈ vinac yal d'a vin̈aj Josafat sreyal Judá icha tic: A d'a Edom yed' d'a junxo sc'axepal a' mar Muerto, van scot jantac soldado d'ayach. Ayxoec' eb' d'a chon̈ab' Hazezon-tamar, xchi eb' vin̈. (A jun chon̈ab' chi' scuchan pax En-gadi.)

2 Cr 20:2 ပူးပေါင်းရင်းမြစ်များ

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Gn 14:7

Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.

Cantares 1:14

Ach quelm to chamc'ojlb'il wu'uj, lajn ach wal tzwab' 'icha te snichte alheña, te 'ay 'a scal te 'awb'ente 'a En-gadi, xchi 'ix.

Ez 47:10

Til wal eb' yamn chay 'oj jawc 'a sti a mar 'a En-gadi masnto 'oj c'och eb' 'a En-eglaim, ax laj ya'nc eb' tacjoc schim 'a sti a cha. Til wal 'oj 'aj no chay 'a yojl a', 'icha e no 'ay 'a yojl a Mar Mediterráneo.

Ez 47:19

Ax 'a stojlal sur, tz'atx smon̈jonal chi 'a chon̈b' Tamar, tz'ec' 'a 'aj 'ay a spac'b'a Meriba-cades, tz'e'x 'a 'aj 'ay jun ch'oln yic Egipto masnto 'a a Mar Mediterráneo.

Ez 48:28

A lum yic Gad cha, ata 'oj 'atn̈j smon̈jonal 'a stojlal sur, atn 'a smon̈jon Tamar, ax yec' 'a 'aj 'ay 'a spac'b'a Meriba-cades, ax yec' 'a lum ch'oln yic Egipto, masnto tzc'och lum 'a sti a Mar Mediterráneo.

Nm 34:12

tz'atxn̈ej 'a sti a Jordán, masnto tzlajw c'och 'a sti a Mar Muerto. A smasnil jun tzo'n̈ mon̈jon cha, a tz'ochcn smon̈jonoc e lum cha, xa chi 'a eb', xchi Dios 'a Moisés.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

A Ch'an̈ B'ab'el Libro Samuel 23:29

Xlajw cha, 'ix 'at David 'a jun tzo'n̈ q'uen n̈aq'uen 'a jun tzo'n̈ lugar caw 'ay smay 'a yol yic En-gadi, ata xcan cajan.