2 Cr 20:12 - Chuj San Sebastian Bible

¹² Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

Chuj San Mateo Bible

¹² Ach co Diosal, eloc val d'a a c'ool to tzac'och syaelal eb', yujto a on̈ tic malaj quip yic sco tec'b'an co b'a d'a yichan̈ jantac eb' soldado van sjavi yac' oval d'a tic. Man̈ cojtacoc tas val sco c'ulej, yuj chi' a d'ayach scac'och co pensar, xchi vin̈ rey chi' d'a Jehová.

2 Cr 20:12 ပူးပေါင်းရင်းမြစ်များ

A Ch'an̈ Schab'l Libro Samuel 14:11

Palta 'ix 'och wal tecn 'ix 'a win rey cha, 'ix yaln 'ix 'ixtic: —Tzin tew 'och 'aych mamin rey, comnoc tza c'an 'a Jehová qui Diosalec, sec a jun wican tznib'j milwjc sb'a cha, comnoc matz niwtj scham 'anma yu'uj, yic tznib'n smil junx wune cha, xchi 'ix. 'Ix ta'w win rey chi 'ixtic: —Q'ueln 'och wal Jehová tzwalni, may wal jac tas 'oj 'i'nc win one cha, xchi winac.

A Ch'an̈ B'ab'el Libro Yic Yab'ixal Eb' Rey 1:20

A ticnec ach wajlil rey, wan stan̈wni smasnil eb' quit israelal, tas xa chi, mach junc 'oj 'ochcn reyl a jeloc.

A Ch'an̈ Schab'il Libro Yic Yab'ixal Eb' Rey 6:15

'Ix seb' q'ue wan win schecb' Eliseo 'a sq'uin̈b'ial, ax yic 'ix 'elta, 'ix yilni man̈x jantcoc soldado oyn 'och 'a spatquil jun chon̈b' cha, yet' chej yet' caruaje yic owal; yuj cha, 'ix 'at win 'at yal 'a Eliseo 'ixtic: —'Oltacn̈ mamin, ¿tas 'oj cutc qui b'a? xchi win checb' cha.

2 Cr 20:13

Ax smasnil eb' 'aj Judá yet' yistzil, yunnal eb', yet' eb' 'unn caw cotc to, lin̈n 'ec' eb' 'a yojltac Jehová.

Salmos 141:8

Mamin Jehová, an̈j 'aych q'ueln in 'ochi, ach tzach wa'ch yipc in c'ojol, comnoc matz in ac' 'a yol sc'ab' chamel.

Salmos 25:15

Q'ueln in 'ochn̈ej 'ayach, yujto ach tzin a col 'a tas 'ay smay.

Salmos 43:1

Ach in Diosal b'eyc'ojlej in, ala to may in mul, coln 'el 'a yol sc'ab' eb' 'anma 'a'm 'es yet' 'a eb' tu sb'eyb'al.

Salmos 7:6

Mamin Jehová cotn̈ yet' yowl a c'ojol, 'ac' sat yowl sc'ojl eb' 'ajc'ojl yajch 'ayin. B'onyaj wal 'a stojlal 'icha tza nib'ej.

Salmos 7:8

Mamin Jehová, ach tza b'eyc'ojlej cab' junjn nacion̈. B'eyc'ojlej in, a tzyal tas yilx in yiclumal 'ayach, yet' tas yilx in wach' b'eyb'al 'a ojltac.

Salmos 9:19

Cotn̈ Mamin Jehová, man̈oc cab' eb' 'anma niwquil tzyutj sb'a 'ayach. B'eyc'ojlej eb' nacion̈ 'ayc' 'a ojltac.

Salmos 94:2

Juez ach 'a yolyib'n̈q'uinl tic, ch'oxl a b'a 'a eb' tzyij chan̈ sb'a, tza'n spac yic eb'.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Jl 3:12

'Ix yaln pax Jehová 'ixtic: Ya' cab' lista sb'a smasnil nacion̈, jaw cab' eb' 'a span̈nil yic Josafat, yujto ata 'oj in b'eyc'ojloc smasnil eb' nacion̈ tzann̈j 'aj 'ay.

Jonás 2:4

A 'ix wutj walni, tox in a julcn 'el 'a ojltac 'a jun 'ejmn̈ej, a xin na'a, to man̈x 'oj wil atut to ec yaji.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Jueces 11:27

An tic, may tas tu xin b'o 'ayex. Palta ax tic, ax tu tas wan e b'oni, tzex jaw wul eyac' owl quet' on̈. Yuj cha, a cab' Jehová 'oj qui b'eyc'ojlan eyet'oc, xchi Jefté, xchi eb' 'a win rey cha.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

A Ch'an̈ B'ab'el Libro Samuel 3:13

Tox 'ix wal yab'i', to 'oj wac' syailal eb' yin̈tl cha, yujto yojc xo tas smul eb' yunnal chi 'ix 'ochi; in spatquiljcan 'el eb' an Dios in tic, palta matz tenx 'och wan eb' yu'uj.