2 Cr 2:6 - Chuj San Sebastian Bible

⁶ Palta b'i'an, ¿tom 'ay junc mach 'oj stac' sb'on chan̈ jun n̈a cha? 'Intax satcha'an̈ caw niwquil, palta matz yab' 'aj tz'aj Dios 'a 'a. ¿Tas wel'ch an tic, yuj cha, an tzin b'o chan̈ jun n̈a cha, wach'xam cojn wal junc lugar 'aj tz'ajx tz'a incienso 'a yojltac?

Chuj San Mateo Bible

⁶ Palta jun, ¿tom ay junoc mach ol yal sb'oanq'ue jun templo chi'? Inatax satchaan̈ nivan, palta max yab'laj b'aj tz'aj Dios chi'. ¿Tas vaj a in tic, yuj chi' ol in b'oq'ue jun templo b'aj syal scajnaj Jehová chi'? An̈ej am junoc lugar b'aj sn̈uschajtz'a incienso d'a yichan̈ syal in b'oani.

2 Cr 2:6 ပူးပေါင်းရင်းမြစ်များ

A Ch'an̈ Schab'l Libro Samuel 7:18

Yuj cha, 'ix 'och rey David, 'ix 'em wocn paxtinc 'a yojltac Jehová xyaln 'ixtic: Mamin Jehová Wajlil, ¿tas wal wilx tzela? An̈jtona', ¿tas pax yilx eb' in mam wicham, yuj cha, in a'n 'och 'a jun niwquil 'opiso tic?

A Ch'an̈ B'ab'el Libro Yic Yab'ixal Eb' Rey 7:13

A rey Salomón 'ix yac' 'awtxoc cot Hiram 'aj Tiro,

A Ch'an̈ B'ab'el Libro Yic Yab'ixal Eb' Rey 7:14

win yune jun 'ix chamnc yichmil, yin̈tl Neftalí, ax smam 'aj Tiro, caw jeln smunlj 'a b'oj bronce. 'Ixta pax Hiram cha, caw wal jelan, caw jeln pax snab'en, caw wal yojc sb'on smasnil munljel 'a q'uen bronce, yuj cha, 'ix jaw 'a win rey Salomón. Xlajw cha, syamn 'och win sb'on smasnil munljel cha.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

1 Cr 22:15

Ach tic til wal munljum 'ayc' 'a yol a c'ab' 'oj munljoc et'oc: atn eb' tzeym q'ue'en, eb' albanil, eb' josmte'. Man̈xtzac b'ischj jantc winc to jeln smunlj 'a tzann̈j munljelal, 'icha 'a q'uen oro, 'a q'uen plata, 'a q'uen bronce, yet' 'a q'uen hierro. Yuj cha, ¡'och cab' munljel! ¡A Jehová 'oj colwjoc et'oc! xchi David 'a Salomón.

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

2 Cr 1:10

Yuj cha, a ticnec 'ac' in jelnal, 'ac' nachjoc 'el wu'uj sec wach' 'oj stac' in jucb'tzan jun chon̈b' tic. May junc mach tztac' ya'n yajlil 'a yib'n̈ jun a niwquil chon̈b' tic 'a yol yico', xchi.

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

Ex 3:11

Palta 'ix yaln Moisés 'ixtc 'a Dios: —¿Tas waj an tic, yuj cha, 'oj stac' in 'at paxtinc 'a sat win rey cha, ax wi'n 'elt eb' wit israelal 'a Egipto cha? xchi Moisés.

Ex 31:5

Wach' 'oj yutc sb'on q'uen q'uen wach' yilxi, wach' 'oj yutc sb'on 'och 'a yet'ul, wach' pax 'oj yutc sb'on eb' te te 'a tzann̈j tz'aj sb'o'i.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 23:24

May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

2 Co 2:16

A yic tzcalnec 'a eb' wan satq'ui, lajn yab'xil 'icha sjab' junc tas tzon̈ cham yu'uj, yujto 'oj cham eb' 'a jun 'ejmn̈ej yu'uj. Ax yic tzcalnec 'a eb' wan scolchji, lajn yab'xil 'icha junc caw su'q'ui sjab' 'a sat eb', yujto wan schan eb' sq'uinl 'a jun 'ejmn̈ej yu'uj. Yuj cha, may wal junc mach 'oj techjoc yaln 'el jun 'ab'x tic 'a yol yico'.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

Dt 12:26

Palta ax jantcn̈ej tas tzeyac' ofrendail 'a 'a, yet' tas ta'wb'il eyu'uj, tzeyij 'at 'a jun lugar chi 'oj si'l Jehová yico'oc cha.