2 Cr 2:4 - Chuj San Sebastian Bible

⁴ A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

Chuj San Mateo Bible

⁴ A ticnaic ol in b'oq'ue jun templo b'aj ol on̈ och ejmelal d'a Jehová co Diosal a on̈ israel on̈ tic, yicn̈ej ol ajoc. Ata' ol n̈uschajtz'a incienso suc'uq'ui sjab' yuj quic'anchaan̈ Jehová chi'. Ol empax tzolan ixim pan d'a yichan̈. Ol n̈usjoc pax tz'a silab' d'a q'uin̈ib'alil, d'a yemc'ualil yed' pax d'a sc'ual ic'oj ip, d'a yic tz'alji q'uen uj yed' d'a juntzan̈xo q'uin̈ tz'och yuj quic'anchaan̈ Jehová co Diosal icha syal schecnab'il ac'b'ilcan d'ayon̈ israel on̈ tic, yic sco c'anab'ajej d'a masanil tiempo.

2 Cr 2:4 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 5:5

An tic tox xin na'a, to 'oj wac' b'o chan̈ junc yatut Jehová in Diosal, 'icha yutjnac yaln 'a in mam yic yaln 'ixtic: A jun onnal 'oj wa'ch a jelc 'a a despacho, a 'oj b'onc junc watut, xchi.

A Ch'an̈ B'ab'el Libro Yic Yab'ixal Eb' Rey 8:18

Palta yaljnac Jehová 'ixtc 'a 'a, atn in mam: Caw tza nib'j a b'o junc watut 'aj tzin 'aj cajan, caw wach' ton jun a nab'en cha,

A Ch'an̈ B'ab'el Libro Yic Yab'ixal Eb' Rey 8:63

A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

2 Cr 2:1

'Ix snalb'ej Salomón sb'on sdespacho yet' yatut Jehová.

Nehemías 10:33

Atn q'uen 'oj mannoc 'ixm pan tz'ajx 'a yojltac Dios, yet' ofrenda tz'ajx 'a junjn c'u, yet' xajmb'al to tz'a smasnil 'a junjn c'u, yet' xajmb'al tz'ajx 'a sc'ul 'iljelal, 'a yic tzpac' 'uj, yet' 'a jun tzo'n̈ xo q'uin̈ tznax 'a junjn ab'il, yet' jun tzo'n̈ xo ofrenda yet' pax xajmb'al yic tz'ajx lajwc qui mul an̈ israel on̈c tic, yet' jun tzo'n̈ xo tas tzc'anx 'a yatut Dios yic tz'och 'emmquilal.

Salmos 86:8

Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.

Salmos 96:4

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Ex 25:30

Tza'n b'o 'ejm 'ixm pan 'a sat te mexa chi 'a wojltac, yujto a 'ixm pan cha, wicn̈ej yaj 'ixim, xchi Dios.

Ex 30:7

'A junjn sq'uin̈b'ial, yic yorail sb'o cantil, ata tzyac' tz'a Aarón jun tzo'n̈ incienso 'a yib'n̈ jun yet'l xajmb'al cha.

Pr 7:20

'Ix yij 'at win jun mucuc q'uen tumin. Yuj cha, mant 'oj meltzjoc winac, masnto 'a yic c'ojn 'uj, ax sjapx winac, xchi 'ix.