2 Cr 2:3 - Chuj San Sebastian Bible

³ Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

Chuj San Mateo Bible

³ Ix lajvi chi' ix yalanb'at vin̈ d'a vin̈aj Hiram sreyal Tiro icha tic: ¿Tzam ac'cot te' c'ute' d'ayin icha ix a c'ulej yed' vin̈ in mam ayic ix sb'oanq'ue spalacio vin̈ b'aj cajnajnac?

2 Cr 2:3 ပူးပေါင်းရင်းမြစ်များ

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

1 Cr 14:1

A win Hiram sreyl chon̈b' Tiro, 'ix ya't schecb' 'a David. An̈jtona', xya't eb' albanil, yet' eb' josmte', 'ix yi'n 'at eb' te c'ute yet'oc, yic tzb'on chan̈ eb' sdespacho David.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

2 Cr 24:14

A yic xlajw sb'o yuj eb', 'ix yi'n 'at eb' q'uen tumn xya'cn sobra, xya'n eb' q'uen 'a win rey yet' 'a Joiada. Ax yet' q'uen xyac' eb' b'o jun tzo'n̈ syamc'ab'il, atn jun tzo'n̈ tz'och yopiso yic tz'och 'emmquilal 'a Jehová, jun tzo'n̈ tz'och yopiso 'a 'aj tz'a xajmb'al to tz'a smasnil, jun tzo'n̈ niwc cuchara, yet' jun tzo'n̈ xo yamc'ab' to oro yet' plata. A yic pitznto Joiada, caw tzya'n̈j eb' xajmb'al to tz'a 'a yatut Jehová.

2 Cr 4:19

An̈jtona', xya'n pax rey Salomón b'o jun tzo'n̈ xo yamc'ab' to yic yatut Dios tz'aji: Atn jun yet'l 'aj tz'a incienso to nab'a oro, jun tzo'n̈ mexa 'aj tz'ejm tzoln 'ixm pan 'a yojltac Jehová,

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Esdras 6:3

A 'a yic yab'lil yoch Ciro reyal, xyaln winac to tzb'ox sjel yatut Dios 'a Jerusalén. Caw wach' tz'aj yejm can yipnub'al yich sec wach' ata tz'ajx xajmb'al 'a yojol, 27 metro tz'aj ste'il, 27 metro pax tz'aj schiquin.

Nehemías 10:34

An̈jtona', 'ix ca'ch suerte 'ayn̈ junjn 'in̈tal on̈ec, sec wach' tzquilec 'aja tiempoal 'a junjn ab'il, 'oj ca'c te c'atztz yic yatut qui Diosalec, te tz'a 'a yet'l xajmb'al yic Jehová qui Diosalec, 'icha yaj stz'ib'x 'a ch'an̈ ley. Wach'xam to ya'maln̈ 'och sti eb' 'anma 'a Dios, mto levita on̈, mto comn 'anma 'on̈, 'oj qui yicljn̈ej jun tzo'n̈ cha.

Ex 25:30

Tza'n b'o 'ejm 'ixm pan 'a sat te mexa chi 'a wojltac, yujto a 'ixm pan cha, wicn̈ej yaj 'ixim, xchi Dios.

Ex 29:38

'A junjn c'u, tza'n tz'a chatcwan̈oc no quelm calnelu junjn ab'il sq'uinl 'a yib'n̈ jun yet'l xajmb'al cha.

Ex 29:39

Jun no tzac' tz'a 'a sq'uin̈b'ial, junx no tzac' tz'a 'a yemc'ual.

Ex 29:41

'Ixta pax tzotj junx no quelm calnelu chi 'ayn 'a yemc'ul cha. Tzac' tz'a no yet' 'ixm harina, yet' pax yal uva cha. A jun tzo'n̈ ofrenda cha, caw wal wach' sjab' tzwab'i.

Ex 30:7

'A junjn sq'uin̈b'ial, yic yorail sb'o cantil, ata tzyac' tz'a Aarón jun tzo'n̈ incienso 'a yib'n̈ jun yet'l xajmb'al cha.

Lv 23:2

Al jun tzo'n̈ tic 'a eb' et israelal: Atn jun tzo'n̈ q'uin̈ tic to wic an Jehová in, ata tzeyam e b'a yic tzex 'och 'emmquilal 'ayin.

Lv 9:17

'Ix ya'n pax ofrenda yic 'ixm sat trigo, xyi'n 'at jun jop 'ixm harina, xya'n tz'a 'a yib'n̈ yet'l xajmb'al yet' no xajmb'al tz'ajx tz'a 'a junjn sq'uin̈b'ial.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

Nm 28:9

A 'a yic sc'ul 'iljelal, yowlal tzeyac' chawn̈oc no quelm calnelu ofrendail, no junjn ab'il sq'uinal, no may spaltail. Tz'ajx pax wajxque'oc libra 'ixm harina caw wach', wach' pax tz'aj scalx yet' aceite, yujto ofrenda yic tas tzc'uxxi, tz'ajx pax yal uva yet'oc, 'icha xon tz'aj yajxi.