2 Cr 2:16 - Chuj San Sebastian Bible

¹⁶ Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

Chuj San Mateo Bible

¹⁶ Yacb'an chi', a on̈ tic ol caq'uel te te' d'a Líbano tic. Jantac te' ol a c'ana', junn̈ej ol cutej te', ol quic'anb'at te' d'a yib'an̈ a' mar, masanto ol c'och te' d'a Jope. Axo eb' a munlajvum ol ic'anb'at te' d'a Jerusalén, xchicot vin̈aj Hiram sreyal Tiro chi'.

2 Cr 2:16 ပူးပေါင်းရင်းမြစ်များ

1 Cr 22:2

Xlajw cha, 'ix ya'n David syam sb'a smasnil eb' chuc chon̈b'al cajn 'ec' 'a scal eb' israel. A 'a scal eb' cha, ata 'ix si'x 'elt eb' tzeym q'uen 'oj tzeync q'uen q'uen 'oj 'och 'a yatut Dios.

2 Cr 30:25

A eb' ya'mal 'och sti eb' 'anma cha, yet' smasnil eb' 'anma 'aj Judá, caw 'ix tzalj eb'. 'Ixta pax eb' levita yet' smasnil eb' xcot 'a smasnil yol yic Israel. An̈jtona', 'ixta pax eb' chuc chon̈b'al 'ix cot 'a smasnil yol yic Israel cha, yet' pax eb' cajn 'a yol yic Judá.

2 Cr 8:7

'Ayt pax jun tzo'n̈ xo eb' 'anma xcan 'a jun tzo'n̈ lugar cha: atn eb' hitita, eb' amorreo, eb' ferezeo, eb' heveo, yet' eb' jebuseo, eb' to man̈ israeloc,

2 Cr 8:8

atn yin̈tl eb' 'anma ma'ix satl yuj eb' israel, 'ix 'ajxn̈ej pural eb' yoch 'a munljel yuj Salomón.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

A Tas Sc'ulejnac Eb' Schecab' Jesús Hechos 10:32

Al ticnec, checb't jaywn̈oc winc 'a chon̈b' Jope, 'at yi' cab' cot eb' Simón, tzcuch pax Pedro. 'Ayc' 'a yatut jun sq'uexul, atn win b'om tz'u'um. A yatut win cha, ata 'ay 'a sti a mar. [A Pedro cha, 'ay tas 'oj wul yal 'ayach,] xchi 'ayin.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

A Tas Sc'ulejnac Eb' Schecab' Jesús Hechos 9:38

A chon̈b' Jope cha, ata 'ay 'a sla'nil chon̈b' Lida, 'a 'aj 'ayc' Pedro. Ax 'ix yab'n eb' creyente, to ata 'ayq'ui, 'ix checn 'at eb' chawn̈ winc 'a 'a, xit yalnoc eb' 'ixtc 'a 'a: —Coyc 'a chon̈b' Jope wal ticnec, xchi eb' 'a 'a.

A Tas Sc'ulejnac Eb' Schecab' Jesús Hechos 9:42

Ax eb' 'aj Jope cha, c'uxn xyab' eb' speclal jun cha. Yuj cha, til wal eb' xya'ch sc'ojl 'a Cajlil.

A Tas Sc'ulejnac Eb' Schecab' Jesús Hechos 9:43

Ax Pedro, xcan jaye c'u 'a chon̈b' Jope cha. 'Ix 'ochcn wan 'a yatut jun win b'om tz'u'um, Simón sb'i winac.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.