2 Cr 19:7 - Chuj San Sebastian Bible

⁷ Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

Chuj San Mateo Bible

⁷ Yuj chi', nivanocab' yelc'och Jehová d'a e sat, scham val eyilan tas ol e c'ulej, yujto a Jehová co Diosal, man̈ ol techaj yuuj tato ay tas man̈ vach'oc ol e c'ulej, tato ay sq'uexan̈il anima d'a yol e sat, mato ol e cha q'uen tumin d'a elc'altac, xchi vin̈.

2 Cr 19:7 ပူးပေါင်းရင်းမြစ်များ

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Gn 42:18

Ax 'a schab'jial xyaln José 'a ewin 'ixtic: —An tic tzin xiw 'a Dios; toto tzeyiclj jun xwal 'ayx tic, tzex colchj 'eli.

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

Nehemías 5:15

Palta 'icha eb' gobernador 'e'nc 'a yaln̈taxi, caw wal 'icha 'ictz yaj eb' 'a eb' chon̈ab', junjn c'u tzya'n eb' 40 q'uen tumn plata yuj tas tzc'ux eb', yet' yuj yal uva tzyu'j eb'. An̈jtona', caw wal tz'ixtx eb' chon̈b' yuj eb' schecb' eb'. Palta an xo tic, man̈ 'ixta'oc tzwutej, yujto caw niwn yel'ch Dios 'a in sat.

Job 13:10

Wach'xam c'ultac tzeya'ch e b'a yet' Dios, palta 'oj ex stumc wal si'mb'il.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Job 8:3

A Dios tztac' yuj smasnil, may 'aj tzjelmtej tas tojol, may 'aj tzyij 'ec' smacl junc mach.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Ex 23:8

Man̈ e cha q'uen c'ultac tumin yic tze b'onyaj junc owal. Yuj q'uen tumn cha, 'icha to may snab'en jun tzb'onyaj junc owl cha, ax 'a yib'n̈ jun may smul cha, ata tzya'cn 'ochi.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.

Ro 2:11

A 'a sat Dios, lajnn̈ej yel'ch junjn 'anma'.

Ro 9:14

Palta ¿tas tze na'a? ¿Tom man̈ tojloc Dios 'ixta'? Ma'ay, caw tojol.

Gl 2:6

A eb' checl xon yaj cha, matz in na'a, toto 'ay yopiso eb', yujto a 'a sat Dios, caw lajn on̈c qui masnil. A eb' cha, may junc xo checnb'il alb'il yuj eb' 'ayin.

Ef 6:9

Ax xo patron̈ ex, 'ixta pax tzeyutj e b'a 'a eb' e moso. Man̈ owc tzeyutj e b'a 'a eb'. Tze na coti, to 'ay jun 'a satchan̈ tzex 'a'n mandar yet' eb', atn Cajlilec. A 'a sat, lajnn̈ej eyel'ch yet' eb'.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

A Scarta San Pablo D'a Eb' Aj Colosas 3:25

Palta a eb' tzb'on jun tzo'n̈ maysch'olnil, 'oj scha eb' spac jun tzo'n̈ maysch'olnil tzb'o cha. A tzyala, tastc tzb'o junjn mach, 'ixta spac 'oj scha'.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

A Ch'an̈ B'ab'el Libro Samuel 11:7

'Ix yi'n cot chawn̈ no mam wacax, scotc tzu'n 'at no', 'ix ya'n no 'a jun tzo'n̈ eb' schecab', yic tz'ec' sch'oxnc eb' 'ilxoc no 'a smasnil yol smacb'en eb' yit israelal. Tzlaj 'ec' yalnc eb' checb' chi 'ixtic: 'Ixtc wal 'oj 'aj swacx mach ma'oj 'och tza'n yuj Saúl, yet' pax Samuel, yic 'oj 'at eb' 'a owal, xchi eb'. 'Ix jaw jun niwquil xiwlal 'a yib'n̈ eb' 'anma chi smasnil yuj Jehová. Junxn̈ej xyutj sb'a eb' smasnil, 'ix wul ya'nc 'och sb'a eb' yet' eb'.