2 Cr 18:8 - Chuj San Sebastian Bible

⁸ Xlajw cha, 'ix yawtn sreyl chon̈b' Israel chi jun schecab', 'ix yaln 'a 'ixtic: —'At 'awtj cot Micaías, yunnal Imla muc'uc, xchi.

Chuj San Mateo Bible

⁸ Ix lajvi chi', ix yavtancot jun vin̈ schecab' vin̈ sreyal Israel chi', ix yalan vin̈ d'a vin̈: —B'at avtejcot vin̈aj Micaías yuninal vin̈aj Imla d'a elan̈chamel, xchi vin̈.

2 Cr 18:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 22:9

Yuj cha, 'ix yawtn cot win jun win syajlil eb' soldado, 'ix yaln win rey chi 'a win 'ixtic: —'At 'ij cot win Micaías, win yunnal Imla, to tzin c'umj winac, xchi.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

2 Cr 18:7

'Ix ta'w sreyl chon̈b' Israel 'ixtc 'a Josafat: —'Ay jun 'a tic, tztac' sc'anb'n 'a Jehová cu'uj. Atn Micaías, yunnal Imla. Palta matz in nib'j jun winc cha, yujto mant 'a xon jun 'ejmoc wach' junc tas tzyal 'ayin, caw tun̈j tzyala, xchi. Palta 'ix yaln Josafat 'ixtc 'a 'a: —Man̈ al 'ixta', xchi.

2 Cr 18:9

A chawn̈ eb' rey cha, 'aych spichl eb' yic reyal, wocn 'ejm junjn eb' 'a sdespacho 'a 'aj tzon̈ 'och 'a yol sti spuertail chon̈b' Samaria, lin̈n 'och smasnil eb' tzyalch sb'a schecb'oc Dios chi 'a yojltac eb'.

Is 39:7

An̈jtona', 'oj 'ijxoc pax 'at eb' en̈til, ax yijx 'el yitb'eym swincal eb'. 'Oj 'och eb' ya'malc servil win sreyl Babilonia cha, xchi Dios 'ayin, xchi Isaías.

Dn 1:3

A yic 'ix jaw eb', 'ix yaln win rey chi 'a win Aspenaz, atn win syajlil eb' tzmunlj 'a sdespacho winac, to tzsic' 'elt win jaywn̈oc eb' quelmtac winc 'a scal eb' israel 'ix 'ijx cot 'icha presoal cha, eb' to yin̈tl can eb' rey, mto eb' niwc yopiso.

A Ch'an̈ B'ab'el Libro Samuel 8:15

'Oj yi'l win sdiesmoal smasnil tas tzeyawej yet' yic sat e uva, ax ya'n win 'a eb' 'aych yajlil yet' cha, yet' 'a jun tzo'n̈ xo eb' schecab'.