2 Cr 18:30 - Chuj San Sebastian Bible

³⁰ Palta tox 'ix yal sreyl Siria 'a eb' capitan̈ 'a jun tzo'n̈ caruaje yic owal, to matz yac' eb' owl yet' junc xo mach, to cojn yet' sreyl Israel tzyac' eb' owal.

Chuj San Mateo Bible

³⁰ Palta a vin̈ sreyal Siria, toxo ix yal vin̈ d'a eb' vin̈ sat yajal yaj d'a carruaje yic oval to max yac' oval eb' vin̈ yed' junocxo mach, palta an̈ej d'a vin̈ sreyal Israel b'aj tz'och eb' vin̈.

2 Cr 18:30 ပူးပေါင်းရင်းမြစ်များ

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

A Ch'an̈ B'ab'el Libro Yic Yab'ixal Eb' Rey 22:31

Palta ax win sreyl Siria cha, 'ix yal win 'ixtc 'a ewin 32 scapitan̈il eb' soldado winac, atn ewin xyij scaruaje yic owal: Man̈ e comn 'a'c owl yet' eb' comn soldado cha, cojn win rey yic chon̈b' Israel tzeyac' owl chi yet'oc, xchi win 'a eb'.

2 Cr 15:13

'Ix ya'n pax eb' sti', tzann̈j mach to man̈oc Jehová sDiosal chon̈b' Israel tzyac' servil, wach'xam 'ichm 'anma', mto 'unin, winac mto 'ix, a jun cha, yowlal tzchami.

2 Cr 18:29

'Ix yaln sreyl chon̈b' Israel 'ixtc 'a Josafat: —A yic 'oj woch 'a owl cha, 'oj in jel-l in pichl yic in reyl tic, palta ach xo tic, 'aych cab' a pichl yic a reyl tic, xchi. Xlajw cha, 'ix sjeln 'el sreyl chon̈b' Israel spichul, 'ixta to b'i'an x'och eb' 'a owal.

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.