2 Cr 18:3 - Chuj San Sebastian Bible

³ A yic cha, 'ix yaln Acab 'a Josafat 'ixtic: —¿Mamtzac yal a c'ojl tzach 'at wet'oc, yic tz'at wa'nc owl yet' chon̈b' Ramot 'a yol yic Galaad? xchi. 'Ix ta'w Josafat 'a 'ixtic: 'Oj in 'at yet' eb' in soldado, 'oj qui 'at et' 'a owl yet' eb' a soldado cha.

Chuj San Mateo Bible

³ Ix yalan vin̈aj Acab chi' d'a vin̈aj Josafat chi' icha tic: —¿Mamax yal a c'ol tzach och ved'oc yic scac'an oval d'a chon̈ab' Ramot d'a yol yic Galaad? xchi vin̈. Ix tac'vi vin̈aj Josafat chi': —A in tic ol in b'at ed'oc yed' masanil eb' vin̈ in soldado d'a oval chi'.

2 Cr 18:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:4

'Ix yaln win 'a win Josafat 'ixtic: —¿Matz yal am a c'ojl tzach colwj wet'oc, yic tzwa'n owl 'a chon̈b' Ramot, 'a yol yic Galaad? xchi. 'Ix ta'w win Josafat chi 'ixtc 'a winac: —An tic, yet' smasnil eb' in soldado, smasnil pax no in chej yic owal, 'ayc'n̈ej et'oc,

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

A Ch'an̈ Schab'il Libro Yic Yab'ixal Eb' Rey 3:7

Yajn̈ej x'at ya'nc alxc 'ixtc 'a Josafat sreyl Judá: 'Ix yij 'el sb'a sreyl Moab 'a yaln̈ in checnb'il. ¿Tzam yal a c'ojl tzach 'at wet'oc, yic tzca'n owl yet'oc? xchi. 'Ix ta'w sreyl Judá 'a 'ixtic: 'Oj in 'at yet' eb' in soldado yet' e no 'in chej.

2 Cr 18:2

Xlajwn̈ej yec' jaye ab'il, 'ix 'at 'a Samaria yic tz'at sc'umnoc Acab; ax Acab cha, til wal no calnelu yet' no wacx smil chamoc, yic tzya'n 'och sq'uin̈l Josafat yet' eb' ajun yet'oc. 'Ix yaln 'a 'a, to tz'och yet'oc yic tz'at ya'nc owl yet' Ramot 'a yol yic Galaad.

2 Cr 18:4

Palta c'anb'j can ab' 'a Jehová b'ab'el, xchi.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

Salmos 139:21

Mamin Jehová, 'in ojtac to tzin chac in b'a yet' eb' tzach chacn 'eli yet' eb' 'ajc'ojl yajch 'ayach.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.