2 Cr 18:2 - Chuj San Sebastian Bible

² Xlajwn̈ej yec' jaye ab'il, 'ix 'at 'a Samaria yic tz'at sc'umnoc Acab; ax Acab cha, til wal no calnelu yet' no wacx smil chamoc, yic tzya'n 'och sq'uin̈l Josafat yet' eb' ajun yet'oc. 'Ix yaln 'a 'a, to tz'och yet'oc yic tz'at ya'nc owl yet' Ramot 'a yol yic Galaad.

Chuj San Mateo Bible

² Ix ec' jaye' ab'il, ix b'at vin̈ d'a Samaria yil vin̈aj Acab chi'. Tzijtum noc' calnel yed' noc' vacax ix schec vin̈aj Acab chi' miljocchamoc yic tz'och q'uin̈ yujto ix c'och vin̈aj Josafat yed' eb' ajun yed'oc. Ix yalan vin̈aj Acab chi' d'a vin̈ to tz'och vin̈ yed' vin̈ yic syac'an oval vin̈ yed' chon̈ab' Ramot d'a yol yic Galaad.

2 Cr 18:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 1:9

A yic jun tiempoal cha, 'ix ya'ch Adonías jun niwquil wa'el, 'a yich q'uen q'uen tzcuch Zohelet, 'a sla'nil jun a pac'b'a 'a Roguel. 'Ix smiln win no calnelu, no mam wacax, yet' no quelmtac wacx to caw b'aq'uech. 'Ix yawtn cot win smasnil eb' yu'tac, atn eb' yunnal win rey, yet' smasnil eb' 'aj Judá tzmunlj yet' win rey cha.

A Ch'an̈ B'ab'el Libro Yic Yab'ixal Eb' Rey 17:7

Palta ax x'aji, 'ix tup chan̈ a a cha, yujto man̈x 'a n̈ab' tzyac' 'a jun nacion̈ cha.

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

2 Cr 18:3

A yic cha, 'ix yaln Acab 'a Josafat 'ixtic: —¿Mamtzac yal a c'ojl tzach 'at wet'oc, yic tz'at wa'nc owl yet' chon̈b' Ramot 'a yol yic Galaad? xchi. 'Ix ta'w Josafat 'a 'ixtic: 'Oj in 'at yet' eb' in soldado, 'oj qui 'at et' 'a owl yet' eb' a soldado cha.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

Nehemías 13:6

Palta a yic 'ix 'uj smasnil jun tzo'n̈ tic, an tic, man̈ in 'ayc 'ec' 'a Jerusalén, yujto 'a yic 32 ab'il xo yoch Artajerjes reyl 'a yib'n̈ eb' 'aj Babilonia, in meltzj pax 'a win rey cha. A yic xlajw yec' jaye'oc c'ul wu'uj, xin c'ann pax in permiso 'a win rey,

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.