2 Cr 18:19 - Chuj San Sebastian Bible

¹⁹ 'Ix sc'anb'n Jehová 'ixtic: ¿Mach 'oj 'at jucb'tzanc Acab sreyl chon̈b' Israel, yic tz'at ya'nc owl yet' chon̈b' Ramot 'a yol yic Galaad, sec tzlajw can 'el ta'? xchi. Chuc xyutj yaln jun tzo'n̈ eb', chuc pax tzyutj jun tzo'n̈ xo eb' yalni.

Chuj San Mateo Bible

¹⁹ Ix sc'anb'an Jehová chi' icha tic: ¿Mach sb'at iptzitan vin̈aj Acab sreyal Israel, yic sb'at yac'an oval vin̈ yed' chon̈ab' Ramot d'a yol yic Galaad, yic schamcan vin̈ ta'? xchi Jehová chi'. Ch'oc tas syal juntzan̈ eb', ch'oc pax tas syal juntzan̈xo eb'.

2 Cr 18:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:20

'Ix yaln Jehová 'ixtic: ¿Mach wal junc tz'at alnc 'a win Acab, sec tz'at win yac' owl 'a chon̈b' Ramot 'a yol yic Galaad, sec ata 'oj cham win ta'? xchi. Ax eb' 'ayc' 'a stz'ey cha, chucch tzyutj eb' laj yal-lan 'a 'a.

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

2 Cr 18:18

Xlajw cha, xyaln pax Micaías 'ixtic: —'Ab' wal tas tzyac' Jehová wal 'ayach: 'Ix wila to wocn 'ejm Jehová 'a sdespacho, ax smasnil eb' ángel 'ay 'a satcha'an̈, lin̈n 'och eb' 'a swach' c'ab' yet' 'a surito.

2 Cr 18:20

Palta 'ay jun espíritu xc'och 'a yojltac Jehová, 'ix yaln 'ixtc 'a 'a, to a 'oj 'at jucb'tzanoc. 'Ix sc'anb'n Jehová 'a 'a, tas 'oj yutoc.

2 Cr 18:21

'Ix yaln jun espíritu chi 'ixtic: A smasnil eb' tzyalch sb'a a checb'oc, 'oj wac' yal eb' 'es 'a win rey, xchi. 'Ix yaln Jehová 'a 'ixtic: Caw 'oj stac' oj 'ixta', 'ixc 'an, 'at b'o 'icha 'ix otj aln cha, xchi 'a 'a.

2 Cr 25:19

Ach tic tzala, to x'ajx ganar eb' edomita o'oj, yuj cha, tza b'an̈n a b'a. Palta yel xo wach' tzach can 'a atut. ¿Tas yuj tza nib'j tzej cot junc yailal 'a eb'an̈, yet' 'a yib'n̈ chon̈b' Judá? xchi cot 'a Amasías.

2 Cr 25:8

Wach'xam tza na'a, to a yet' scolwal eb' chi 'ay yip eb' a soldado ya'n owal, a Dios 'oj ach 'a'nc 'ajxc ganar 'a sat eb' 'ajc'ojol, yujto a Dios 'ay spoder scolwji, 'ay pax spoder ya'n lajwoc, xchi.

Job 12:16

A Dios caw wal 'ay spoder, an̈j tz'a'n ganar. A 'a yol sc'ab' 'ayc' eb' tz'ixtw 'anma', ata 'ayc' pax eb' tz'ixtx cha.

Pr 11:5

Toto tojl qui nab'enec, a tzon̈ tojlb'tzanec 'och 'a jun b'e wach', palta toto tu qui nab'enec, 'oj cot 'a quib'n̈ec yuj qui tu nab'enalec cha.

Is 54:16

'Ilt nab'an, an waljnac, yuj cha 'ay win tenm q'ue'en, tzya'ch win sc'ac', ax yet' stzac'ac' chi tzyac' win c'acb'c q'uen q'ue'en, tzb'on win jun tzo'n̈ yamc'ab' yic owal. An pax waljnac, yuj cha 'ay eb' soldado tzyamc'ab'n jun tzo'n̈ yamc'ab' yic owl cha, sec 'ay pax mach tzsatl yu'uj.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.