2 Cr 18:11 - Chuj San Sebastian Bible

¹¹ An̈jtona', 'ixta pax yaln eb' tzyalch sb'a schecb'oc Dios chi smasnil. Tzyaln eb' 'a win rey 'ixtic: 'Ac' owl yet' chon̈b' Ramot cha, 'oj 'ajxc ganar o'oj, yujto a Jehová 'oj 'a'nc 'och jun chon̈b' chi 'a yol a c'ab', xchi cob' eb'.

Chuj San Mateo Bible

¹¹ Ix yalanpax masanil eb' vin̈ syaloch sb'a checab'oc Dios chi' d'a vin̈ rey chi' icha tic: Ochan̈ ac' oval yed' Ramot d'a yol yic Galaad chi', ol ac' ganar, yujto a Jehová ol ac'anoch d'a yol a c'ab', xchi eb' vin̈.

2 Cr 18:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

2 Cr 18:10

Ax Sedequías, yunnal Quenaana, 'ix sb'o jun tzo'n̈ q'uen hierro 'icha yilx no cacha, 'ix yaln 'ixtc 'a caw 'ip: 'Ixtc 'ix yutj Jehová yalni: A yet' jun tzo'n̈ cacha tic 'oj ac' owl yet' eb' sirio, masnto 'oj lajwc eb' smasnil, xchi Dios, xchi cob' Sedequías cha.

2 Cr 18:12

Ax win checb' x'at 'awtnoc cot Micaías cha, 'ix yaln 'a Micaías chi 'ixtic: —Smasnil eb' tzyalch sb'a schecb'oc Dios, caw wach' xyutj eb' yaln 'a win rey. Yuj cha, tzin tew 'ayach, 'icha wal xyutj junc eb' chi yalni, 'ixta 'oj otc alni, caw wach' tzotj wal alni, xchi 'a 'a.

2 Cr 18:5

Xlajw cha, 'ix ya'n sreyl chon̈b' Israel syam sb'a chan̈e ciente eb' tzyalch sb'a schecb'oc Dios, 'ix sc'anb'n win 'a eb' 'ixtic: —¿Tzam stac' tz'at wac' owl yet' chon̈b' Ramot 'a yol yic Galaad, mto ma'ay? xchi. 'Ix ta'w eb' 'a win 'ixtic: —Tztac'a, yujto a Dios 'oj 'a'nc 'och 'a yol a c'ab', xchi cob' eb'.

Miqueas 3:5

Ax Jehová 'ix yaln 'ayn 'ixtic: A eb' in chon̈b' tic, caw 'aych eb' 'a yol jun b'e man̈ tojloc. Smulyujoc eb' tzyalch sb'a in checb'oc, tz'ixtx paxti eb' in chon̈ab'. Tzcob' yal eb' 'a eb' in chon̈b' tic, to 'ay junc'ojlal 'a eb' tz'a'n tas wach' tzc'ux eb'. Ax eb' matz 'a'n tas tzc'ux eb' cha, tzyac' eb' owl yet' eb'. Yuj cha, tzwaln yuj jun tzo'n̈ checb' chi 'ixtic:

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.