2 Cr 18:10 - Chuj San Sebastian Bible

¹⁰ Ax Sedequías, yunnal Quenaana, 'ix sb'o jun tzo'n̈ q'uen hierro 'icha yilx no cacha, 'ix yaln 'ixtc 'a caw 'ip: 'Ixtc 'ix yutj Jehová yalni: A yet' jun tzo'n̈ cacha tic 'oj ac' owl yet' eb' sirio, masnto 'oj lajwc eb' smasnil, xchi Dios, xchi cob' Sedequías cha.

Chuj San Mateo Bible

¹⁰ A vin̈aj Sedequías yuninal vin̈aj Quenaana, ay juntzan̈ q'ueen icha noc' ch'aac ix sb'o vin̈, te chaan̈ ix yal vin̈ icha tic: A Jehová tz'alan icha tic: A yed' juntzan̈ ch'aac tic ol ac' oval yed' eb' sirio, masanto ol lajvoquel eb' smasanil, xchi vin̈ d'a vin̈aj Acab chi'.

2 Cr 18:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

2 Cr 18:11

An̈jtona', 'ixta pax yaln eb' tzyalch sb'a schecb'oc Dios chi smasnil. Tzyaln eb' 'a win rey 'ixtic: 'Ac' owl yet' chon̈b' Ramot cha, 'oj 'ajxc ganar o'oj, yujto a Jehová 'oj 'a'nc 'och jun chon̈b' chi 'a yol a c'ab', xchi cob' eb'.

2 Cr 18:9

A chawn̈ eb' rey cha, 'aych spichl eb' yic reyal, wocn 'ejm junjn eb' 'a sdespacho 'a 'aj tzon̈ 'och 'a yol sti spuertail chon̈b' Samaria, lin̈n 'och smasnil eb' tzyalch sb'a schecb'oc Dios chi 'a yojltac eb'.

Jeremías 23:17

A eb' may yel'ch in paxti 'a sat, tzyal eb' 'ixtic: A Jehová tzalni to wach'n̈j 'oj eyaj 'el'chi, ma'oj jawc yailal 'a eyib'an̈, xchi cob' eb' 'a eb' tzyac' pitb'oc 'el snab'en, yic tzb'on eb' tas tznib'j sb'o 'a yol yico'.

Jeremías 23:21

Man̈oc in xin checb't jun tzo'n̈ checb' cha, may pax jac tas xwal 'a eb'. Wach'xam caw ji'lti cob' yec' eb' yal-l 'a in b'i.

Jeremías 23:25

'Ix wab' wal tas 'ix yal jun tzo'n̈ checb' 'a'm 'es cha. Caw tzte'wtzej sb'a eb' yalni, to in paxti tzyal-l eb', tolab' tzin paxtin 'a waychil 'a eb' yala'.

Jeremías 23:31

Caw own 'a jun tzo'n̈ checb' mun tzpitz chan̈ jun tzo'n̈ paxti tzyal-l 'a yol yico', ax tzyutj eb' yalni to an tzwal 'a eb'.

Jeremías 27:2

'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj.

Jeremías 29:21

An Jehová in, tztac' wuj smasnil, e Diosal in paxi, tzwal yuj win Acab yunnal Colaías, yet' pax yuj Sedequías yunnal Maasías, atn eb' tzaln 'el jun tzo'n̈ 'es paxti 'a in b'i: 'Oj wac' milxoc cham eb' yuj Nabucodonosor cha. Q'ueln ex 'och wal 'ax tic, ax smiln cham win eb'.

Ez 13:7

A jun tzo'n̈ tzcob' yal eb' yil cha, yet' tas tzcob' snal eb', a jun tzo'n̈ cha, man̈ yeloc. Tzcob' yal pax eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwac' yal eb'.

Ez 22:28

Ax eb' tzcob' yalch sb'a in checb'oc 'a scal eb' chon̈ab', tzlaj sc'ub'c 'el eb' smul, 'icha tz'aj yoch tan̈ 'a yich junc n̈a, tzmacchj 'el cob' lum xamit yu'uj, 'ixta tzyutj eb' tzmacn sat eb' chon̈b' cha. Tzlaj cob' yalnc eb' to 'ay tas tzwac' yil eb', tznan chan̈ eb' tas tzyutj eb' ya'n 'es, tzcob' yalnc eb' 'ixtic: A Jehová Cajlil, a tz'a'n cal jun tzo'n̈ tic on̈, xchi cob' eb', palta wal yel, may tas tzwac' yal eb'.

2 Ti 3:8

'Icha win Janes yet' win Jambres, chichnnac 'och eb' 'a Moisés, 'ixta schichn 'och eb' 'anma chi 'a jun cuynb'il caw yel. Toxn juwnac 'el snab'en eb'. Toxn man̈xtzac ya'ch eb' sc'ojl 'a Dios.