2 Cr 17:8 - Chuj San Sebastian Bible

⁸ 'Ix 'at pax jun tzo'n̈ eb' levita yet' eb': Atn Semaías, Netanías, Zebadías, Asael, Semiramot, Jonatán, Adonías, Tobías yet' Tobadonías. Ajun pax eb' ya'mal 'och sti eb' 'anma 'a Dios yet' eb', atn Elisama, yet' Joram.

Chuj San Mateo Bible

⁸ Ix b'atpax juntzan̈ eb' vin̈ levita tic yed' eb' vin̈: Aton vin̈aj Semaías, vin̈aj Netanías, vin̈aj Zebadías, vin̈aj Asael, vin̈aj Semiramot, vin̈aj Jonatán, vin̈aj Adonías, vin̈aj Tobías yed' vin̈aj Tobadonías, yed' pax eb' vin̈ sacerdote, aton vin̈aj Elisama yed' vin̈aj Joram.

2 Cr 17:8 ပူးပေါင်းရင်းမြစ်များ

2 Cr 19:8

An̈jtona', 'ix si'n 'elt Josafat jaywn̈ eb' levita, yet' jaywn̈ eb' ya'mal 'och sti eb' 'anma 'a Dios, yet' pax jaywn̈ eb' yajl yaj 'a yib'n̈ junjn macn̈ eb' cajn 'a Jerusalén yic tz'och eb' juezal, yic tzb'onyaj eb' yowl eb' 'anma cha.

2 Cr 35:3

'Ix ya'n syam sb'a eb' levita tz'a'w servil 'a Jehová atn eb' cuywjum 'a sley Jehová 'a scal eb' yit israelal, xyaln 'a eb' 'ixtic: A ticnec man̈x 'oj e b'achb'eyc'oc te scaxail trato yet' sjolm e quelab'. Junxn̈ej 'aj tzcan te 'a yet'l 'a yol yatut Jehová, atn jun n̈a sb'ojnac Salomón, yunnal David sreyl chon̈b' Israel. A ticnec ata 'oj eyac' servil Jehová qui Diosalec, yet' pax 'a eb' quit israelalec.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.