2 Cr 17:7 - Chuj San Sebastian Bible

⁷ Yoxl ab'il xo yoch reyal, schecn 'at jun tzo'n̈ eb' niwc yajl yaji: Atn Ben-hail, Abdías, Zacarías, Natanael, yet' Micaías, yic tz'at cuyxc eb' 'anma 'a yol yic Judá cha.

Chuj San Mateo Bible

⁷ Ayic yoxil ab'ilxo yoch vin̈ reyal chi', ix schecanb'at juntzan̈ eb' vin̈ sat yajal vin̈: Aton vin̈aj Ben-hail, vin̈aj Abdías, vin̈aj Zacarías, vin̈aj Natanael yed' vin̈aj Micaías yic sc'ayb'aj masanil eb' anima yuj eb' vin̈ d'a sc'ayb'ub'al Jehová d'a yol smacb'en Judá chi'.

2 Cr 17:7 ပူးပေါင်းရင်းမြစ်များ

2 Cr 15:3

An̈ chon̈b' israel on̈ec tic, niwn tiempo 'ix b'ey coti to man̈xoc jun Dios caw yel 'aych quet'ec, man̈x 'a eb' ya'mal 'och qui ti 'a Dios tzcuywji, man̈x 'a pax cuynb'il.

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

2 Cr 35:3

'Ix ya'n syam sb'a eb' levita tz'a'w servil 'a Jehová atn eb' cuywjum 'a sley Jehová 'a scal eb' yit israelal, xyaln 'a eb' 'ixtic: A ticnec man̈x 'oj e b'achb'eyc'oc te scaxail trato yet' sjolm e quelab'. Junxn̈ej 'aj tzcan te 'a yet'l 'a yol yatut Jehová, atn jun n̈a sb'ojnac Salomón, yunnal David sreyl chon̈b' Israel. A ticnec ata 'oj eyac' servil Jehová qui Diosalec, yet' pax 'a eb' quit israelalec.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Salmos 34:11

Ex 'unin cotn̈ec 'ayin, 'ab'xnan̈c 'a tas 'oj wala'. 'Oj ex in cuy 'a tas tzeyutj eya'n 'och e nab'en 'a Dios.

Salmos 51:13

Yic wach' a eb' tz'ec' 'a yib'an̈, 'oj in cuy eb' 'a a b'eyb'al, ax eb' tzb'on maysch'olnil, 'oj meltzjoc pax 'och eb' wuj 'a yol a c'ab'.

Ec 1:12

An alm 'ab'x in tic, xwa'lj reyl 'a chon̈b' Jerusalén 'a yib'n̈ eb' israel.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mr 4:2

Til wal tastc xyac' scuy eb'. 'Ix yaln jun tzo'n̈ 'ab'x 'a eb' 'ixtic:

A Tas Sc'ulejnac Eb' Schecab' Jesús Hechos 1:1

An Lucas in tic, tzin tz'ib'j 'at 'aych Teófilo. 'Ay jun b'ab'l un̈ tz'ib'b'ilx 'at wuj 'ayach. Ata xwala, jantc tas 'ix sb'o Jesús, yet' tas xyac' cuyxoc, yictax syamn 'och scuywji,

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.