2 Cr 17:6 - Chuj San Sebastian Bible

⁶ 'Ix ya'n 'och wal 'a sc'ojl sb'eylb'an sb'eyb'al Jehová, xyi'n 'el smacsej eb' 'anma 'a jolmctac witz, yet' smasnil jun tzo'n̈ yechl comn dios Aserá 'a yol yic Judá.

Chuj San Mateo Bible

⁶ Ix yac' val och vin̈ d'a sc'ol sb'eyb'alan sc'ayb'ub'al Jehová, ix schecan vin̈ ic'chajel juntzan̈ yic ejmelal b'ajtac chaan̈ yed' masanil juntzan̈ yechel Asera d'a yol smacb'en Judá chi'.

2 Cr 17:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:43

A win Josafat cha, wach' xyutj win sb'eyb'al 'icha yutjnac smam, atn win Asa. A 'a sat Jehová, tojl xyutj win sb'on smasnil tas. Cojn b'i'an to ma'ix yij 'el win jun tzo'n̈ yet'l smacsej eb' 'anma 'a jolmctac witz, atn 'aj tzyac' eb' xajmb'al yet' 'aj sn̈us eb' incienso.

2 Cr 14:2

A tas sb'o Asa cha, caw wach', caw tojl 'a sat Jehová sDiosal.

2 Cr 14:3

Yujto 'ix yij 'el jun tzo'n̈ yet'l xajmb'al yic jun tzo'n̈ comn dios 'a yopiso, yet' smacsej eb' 'anma 'a jolmctac witz; sma'n poj jun tzo'n̈ q'uen q'uen niwn yel'chi, sma'cn poj pax jun tzo'n̈ sch'oxnb'il comn dios Aserá.

2 Cr 15:17

Wach'xam ma'ix yij 'el jun tzo'n̈ smacsej eb' 'anma 'a jolmctac witz 'a yol yic Israel, palta a Asa caw ste'wtzej sb'a syiclni Jehová.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

2 Cr 20:33

Palta b'i'an, ma'ix yij 'el jun tzo'n̈ macsej 'a jolmctac witz yujto man̈ smasnilc eb' chon̈b' te'n xo snab'en yoch tza'n 'a spatquil sDiosal yet' smam yicham.

2 Cr 31:1

A yic tox 'ix lajw jun q'uin̈ cha, smasnil eb' israel yamn yaj ta', 'ix 'at eb' 'a smasnil chon̈b' 'a yol yic Judá, 'ix sma'n poj eb' jun tzo'n̈ q'uen 'aj tzyal sb'a eb' 'anma', yet' jun tzo'n̈ sch'oxnb'il comn dios Aserá. 'Ix sma'n juwc eb' jun tzo'n̈ macsej 'a jolmctac witz, yet' jun tzo'n̈ yet'l xajmb'al 'ay 'a smasnil yol yic Judá, 'a yol yic Benjamín, 'a yol yic Efraín yet' pax 'a yol yic Manasés, masnto xlajw smasnil. Xlajw cha, 'ix paxx smasnil eb' israel 'a schon̈ab', junjn eb' 'ix 'at 'a slu'um.

Job 22:26

Caw wal 'oj a tzalj pax yet' Dios cha, 'oj a'ch pax yipc a c'ojol.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Salmos 138:5

Yujto caw niwn el'chi, yuj cha, 'oj ach sb'itnoc eb' yuj smasnil tas xa b'o'o.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

A Tas Sc'ulejnac Eb' Schecab' Jesús Hechos 13:10

'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

Dt 28:47

Yujto ma'ix eyac' servil Jehová qui Diosalec 'a tzaljc'ojlal, yet' 'a smasnil e c'ojol yic til wal tas wach' xyac' 'ayex.