2 Cr 16:8 - Chuj San Sebastian Bible

⁸ ¿Tom ma'ix ela, to a eb' etíope yet' eb' libio, man̈x jantcoc soldado 'ix syam sb'a yuj eb', caw niwn caruaje yic owal, niwn pax soldado 'ay q'ue 'a yib'n̈ chej? Palta b'i'an, yujto a Jehová 'ix a'ch yipc a c'ojol, yuj cha, xya'n 'och eb' 'a yol a cab'.

Chuj San Mateo Bible

⁸ ¿Tom maxtzac a nacoti ayic yac'annac oval eb' aj Etiopía yed' eb' aj Libia ed'oc? Man̈xo jantacoc eb' soldado, noc' chej yed' jantac carruaje yic oval yed'nac eb', palta ac'nac ganar eb' yuj Jehová, yujto a ac'nacoch yipoc a c'ool.

2 Cr 16:8 ပူးပေါင်းရင်းမြစ်များ

2 Cr 12:3

'Ix jaw yet' mil 200 caruaje yic owal, 60 mil soldado 'ay q'ue 'a yib'n̈ chej, yet' nan̈l xo soldado to man̈xtzac stac' sb'isxi, atn eb' xcot yet' 'a Egipto, 'a Libia, 'a Suka, yet' pax 'a Etiopía.

2 Cr 13:16

'Ixtnta 'ix 'aj eb' israel chi s'at 'elc 'a sat eb' yic Judá, yujto a Dios x'a'n 'och eb' 'a yol sc'ab' eb'.

2 Cr 13:18

Yuj cha, caw 'emmquilal xoj xyutj sb'a eb' israel 'a yic jun tiempoal cha. A eb' yic Judá caw xyac' ganar eb' 'a yib'n̈ eb' cha, yujto xya'ch eb' sc'ojl wal 'a Jehová, atn sDiosal eb' yet' eb' smam yicham.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

2 Cr 24:24

Jaywn̈ej eb' soldado sirio 'ix jaw yac' owl yet' eb' 'aj Judá, palta a Jehová 'ix 'a'n 'och eb' soldado to niwn sb'isl chi 'a yol sc'ab' eb', yujto 'ix yactj can eb' Jehová, atn sDiosal eb' yet' smam yicham. 'Ixtnta x'aj Joás yab'n syal yuj tas tu x'el sb'oni.

Is 18:2

Tzlaj ya't eb' schecb' yet' te barco 'a yib'n̈ a niwn a tzcuch Nilo, tz'at eb' 'a yib'n̈ a yet' te' barco b'ob'il 'a te chay'aj. Ex checab', meltzjan̈c 'a e chon̈ab', atn 'aj niwc stel eb' 'anma', eb' n̈el-li stz'umal sniwnal, eb' caw wal tec'an, atn eb' 'ay smay 'a yib'n̈ jun tzo'n̈ xo chon̈ab'. Tzlaj 'em jun tzo'n̈ chon̈b' yuj eb'. Ata cajn eb' 'a lum lum pojquixtac yaj yuj a niwc a'.

Nahúm 3:9

Man̈x yalnb'ilc eb' soldado yic Etiopía yet' eb' yic Egipto xcolwj yet'oc, locn eb' 'aj Fut, yet' pax eb' 'aj Libia 'aych yet'oc.