2 Cr 16:6 - Chuj San Sebastian Bible

⁶ Xlajw cha, 'ix yi'n 'at rey Asa chi smasnil eb' yic Judá yet'oc, 'ix 'at yi'nc cot eb' q'uen q'ue'en yet' te te syam sb'a yuj Baasa yic tzb'on chan̈ smuroal chon̈b' Ramá yalni, ax yet' jun tzo'n̈ chi sb'o smuroal chon̈b' Geba yet' Mizpa.

Chuj San Mateo Bible

⁶ Ix yic'anb'at masanil anima vin̈aj rey Asa chi', aton eb' ay d'a yol yic Judá, ix b'at yic'ancot q'uen q'ueen eb' yed' te te' toxo ix smolb'ej vin̈aj Baasa b'aj van sb'oanq'ue Ramá chi'. Axo yed' juntzan̈ chi' ix sb'oq'ue smuroal chon̈ab' Geba yed' chon̈ab' Mizpa eb'.

2 Cr 16:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 15:16

Caw 'ayn̈j owl 'a scal Asa yet' win Baasa sreyl chon̈b' Israel.

A Ch'an̈ B'ab'el Libro Yic Yab'ixal Eb' Rey 15:22

Xlajw cha, 'ix ya'n win rey Asa 'awtxoc smasnil eb' winc 'aj Judá, xyaln winac to c'uxn tzc'och eb' smasnil. Xlajw cha, 'ix 'at yi'nc eb' q'uen q'uen xcan 'a chon̈b' Ramá, yet' te te sc'an win Baasa yic sb'on win jun chon̈b' chi yalni. Ax yet' jun tzo'n̈ chi sb'o win rey Asa lum chon̈b' Gueba 'a yol smacb'en eb' yin̈tl Benjamín, yet' chon̈b' Mizpa.

1 Cr 6:60

'Ix 'ajx pax jun tzo'n̈ xo chon̈b' 'a yol yic eb' yin̈tl Benjamín 'a eb': atn Geba, Alemet yet' Anatot. Yuj cha, 'ay 'oxlajn̈e chon̈b' 'ix yij eb' yin̈tl Aarón chi 'a smasnil.

2 Cr 16:5

A yic xyab'n Baasa jun cha, 'ix yactn sb'on smuroal chon̈b' Ramá.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

2 Cr 21:17

Yuj wal cha, 'ix 'at eb' yac' owl yet' Judá, x'ajx ganar jun nacion̈ chi yuj eb', 'ix yi'n eb' smasnil sricoal win rey 'ay 'a sdespacho, yet' smasnil yunnal, yet' eb' 'ix yistzil winac, cojxn̈ej jun win xcani, atn Ocozías, win slajb' 'unnal winac.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Zacarías 14:10

Smasnil jun c'aj lum lum cha, pan̈n 'oj 'ajcni, tzchaj 'at 'a Geba masnto 'a Rimón, 'a stojlal sur yic Jerusalén. Ax Jerusalén cha, caw chan̈ 'oj 'ajcn chan̈ 'icha junc tzalan. A 'aj 'oj 'aj cajn eb' 'anma 'a 'a, 'oj schaj 'at 'a jun puerta yic Benjamín, masnto 'a jun puerta yic yisquinyoal 'a 'aj 'ay jun b'ab'l puerta 'a yic pecti'. 'Oj 'atn̈j 'a jun torre yic Hananel, masnto tzc'och 'a 'aj tzpitz'x 'el yal yuva win rey.

A Ch'an̈ B'ab'el Libro Samuel 10:17

Xlajw cha, 'ix yawtn cot Samuel smasnil eb' yit israelal 'a yojltac Jehová 'a Mizpa.

A Ch'an̈ B'ab'el Libro Samuel 7:16

'A junjn ab'il, tzxitc' sb'oyaj eb' 'anma chi 'a Betel, 'a Gilgal yet' 'a Mizpa. 'Ixta tzyutj sb'onyaj eb' 'anma chi 'a jun tzo'n̈ lugar cha.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.