2 Cr 16:14 - Chuj San Sebastian Bible

¹⁴ 'Ix smuc eb' 'a jun yet'l ya'jnac b'o 'a Schon̈b' David. 'Ix ya'n 'ejm eb' sniwnal Asa chi 'a yib'n̈ sb'achte'al, caw 'aych perjuma 'a sb'achtel cha, yet' smasnil c'ajquixtacl tas to su'q'ui sjab', to caw wach' yaj sb'o yuj eb' tzb'oni. 'Ix ya'n 'och eb' jun niwquil c'ac', yic tzch'oxn 'el eb' to niwn yel'ch 'a sat eb'.

Chuj San Mateo Bible

¹⁴ Ix mucji vin̈ b'aj ix schec b'ojoc yed'tal d'a schon̈ab' vin̈aj David. Nivan perfume ix yac'och eb' d'a yib'an̈ b'aj ix b'achchaj snivanil vin̈, ix och pax masanil macan̈il tas suc'uq'ui sjab' d'a vin̈, aton tas te vach' yaj sb'oi. Ix yac'anoch jun nivan c'ac' eb' yic sch'oxanel eb' to nivan yelc'och vin̈ d'a sat eb'.

2 Cr 16:14 ပူးပေါင်းရင်းမြစ်များ

Gn 50:2

Xlajw cha, xyaln José 'a eb' 'a'm remel tzmunlj 'a 'a, to tzya'ch eb' remel 'a sniwnal smam cha, atn win Israel, sec wach' matz c'a'i.

Gn 50:5

yujto a yic wan scham win in mam, 'ix yal 'ayin, to tzwac' in ti', chajtlto ata tzin muc in mam 'a jun yet'l eb' chamnc 'anma b'ob'il can yu'uj. A jun cha, ata 'ay 'a yol yic lum Canaán, yuj cha, tzin tew 'ayex, to tz'at in mucn in mam cha. Cojn tzlajw in mucn cani, tzin paxta, xchi win José.

A Ch'an̈ Schab'l Libro Samuel 2:32

Xlajw cha, 'ix yi'n 'at eb' sniwnal Asael, axta smuc eb' 'a 'aj mucb'il smam 'a Belén. Ax Joab yet' eb' soldado 'ix b'eyn̈j eb' 'a smasnil jun 'ac'wl cha, ax yic xq'uin̈lb'i 'eli 'ayx 'ec' eb' 'a Hebrón.

2 Cr 16:13

'Ix cham Asa 'a yic 'ix tz'acw 41 ab'il yoch reyal.

2 Cr 21:19

'Ix 'ec' tiempo, a wal slajw schab'l ab'il syamchji, 'ix 'elt sch'an̈quin yuj jun yab'il cha, caw yailal 'ix 'aj schami. A yic 'ix chami, ma'ix ya'ch eb' chon̈b' c'ac', yic tzch'oxn 'el eb' toto niwn yel'ch 'a sat eb', 'icha 'ajnc eb' smam yicham.

2 Cr 32:33

A yic xcham Ezequías, ata 'ix mucx 'a jun panteón 'ay q'ue 'a yib'n̈ jun tzo'n̈ xo panteón 'a 'aj mucn eb' yin̈tl David. Smasnil eb' 'aj Judá yet' eb' 'ay 'a Jerusalén, caw wach' 'ix yutj eb' smucni, ax jun yunnal tzcuch Manasés, a x'ochcn reyl sjeloc.

2 Cr 35:24

Xlajw cha, xyi'n 'elt eb' schecb' 'a yol scaruaje cha, 'ix ya'n 'och eb' 'a yol junx schab'l caruaje. 'Ix yi'n 'at eb' 'a Jerusalén. Ata xchami. 'Ix smucn eb' 'a yet'l eb' smam yicham. Smasnil eb' 'aj Judá yet' eb' 'ay 'a chon̈b' Jerusalén 'ix 'oc' eb' yu'uj.

Ec 10:1

A yuj sjab' junc no chamnc yax a'ay, tzjuw 'el sjab' junc perjuma caw su'q'ui. 'Ixta pax junc mach tzb'inax yuj cob' sjelnal, q'uinloc 'ay tas tu tzb'o'o, caw tzjuw 'el sb'inab'ilal cha.

Is 22:16

¿Tas tza b'o 'a tic? ¿Mach 'ix 'a'n opiso yic tza b'on jun yet'l chamnc 'anma tic 'a lum tzaln tic, tzoln 'och a b'a 'a sat q'uen q'uen 'aj 'oj a can tic a nani?

Jeremías 34:5

palta to 'oj a cham wal 'a tzaljc'ojlal. An Jehová in, an tzwac' in ti', to 'icha wal yutjnac eb' 'anma ya'n tz'a incienso yic smucx eb' a mam echam, atn eb' 'ochnc reyal 'a yic mantzac ach 'och ach tic, an̈jtona 'ixta 'oj yutc pax eb' ya'n tz'a incienso yic 'oj a mucxi. Caw 'oj 'oc' eb' o'oj, ax yaln eb' 'ixtic: ¡'Ay, caw 'ix cham win qui reyal! 'oj xchic eb', xchi Dios, xa chi 'a 'a, xchi Dios 'ayin.

Mr 16:1

Yic 'ix 'ec' sc'ul 'iljelal, ax 'ix María Magdalena, 'ix Salomé, yet' 'ix María snun Jacobo, 'ix smann eb' jun tzo'n̈ te su'q'ui sjab', yic tz'at ya'nc 'och eb' 'a sniwnal Jesús.

A Ch'an̈ B'ab'el Libro Samuel 31:12

'ix smol aln smasnil jun tzo'n̈ eb' winc caw wal matz xiwi. Smasnil 'ac'wl 'ix b'ey eb', 'ix c'och eb' 'a 'aj t'un̈n q'ue sniwnal Saúl chi yet' eb' yunnal 'a smuroal chon̈b' Bet-sán. Xlajw cha, 'ix yi'n 'emt eb' sniwnal eb' cha, 'ix meltzj paxt eb', 'ix c'ochx eb' yet' 'a chon̈b' Jabes. Ata sn̈us eb' sniwnal eb' cha.