2 Cr 16:12 - Chuj San Sebastian Bible

¹² A yic 39 ab'il xo yoch Asa reyal, 'ix 'och jun yab'il caw ow 'a yoc. A yic ya'ay cha, man̈oc 'a Jehová 'aj 'ix yal sb'a, palta an̈j eb' 'a'm remel 'ix yawtej.

Chuj San Mateo Bible

¹² Ayic 39 ab'ilxo yoch vin̈ reyal, ix och jun ilya te ov d'a yoc vin̈, palta maj sna sb'a sc'ol vin̈ yuj jun yaelal chi', man̈oc d'a Jehová ix yal sb'a vin̈, palta to a d'a eb' an̈tum b'aj ix b'at vin̈.

2 Cr 16:12 ပူးပေါင်းရင်းမြစ်များ

Gn 50:2

Xlajw cha, xyaln José 'a eb' 'a'm remel tzmunlj 'a 'a, to tzya'ch eb' remel 'a sniwnal smam cha, atn win Israel, sec wach' matz c'a'i.

2 Cr 16:13

'Ix cham Asa 'a yic 'ix tz'acw 41 ab'il yoch reyal.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

2 Cr 28:22

Wach'xam caw niwn yailal xjaw 'a yib'n̈ rey Acaz cha, palta an̈ja yoch smul 'a Jehová.

Job 13:4

Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.

Jeremías 17:5

'Ix yal Jehová 'ixtic: 'Oltac wal eb' tzin 'i'n 'el 'a sc'ojol, ax eb' 'anma tzya'ch eb' yipc sc'ojol, yic tzcolwj eb' yet' eb' snani.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Mt 9:12

Ax yic xyab'n Jesús jun cha, 'ix yaln 'a ewin 'ixtic: —Q'uinloc 'ay junc 'a'm remel ticnec. A eb' wach' sc'ojol, toc 'ay tz'och yuj eb'. Cojn eb' ya'ay, a eb' 'ay tz'och yu'uj.

Mr 2:17

Ax yic 'ix yab'n Jesús jun cha, 'ix yaln 'a ewin 'ixtic: —Q'uinloc 'ay junc 'a'm remel ticnec, a eb' wach' sc'ojol, ¿tom 'ay tz'och yuj eb'? Cojn eb' ya'ay, a eb' 'ay tz'och yu'uj. 'Ixta waj an tic, a eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Mr 5:26

Til wal eb' 'a'm remel 'ix sc'anlb'ej cob' 'ix. Jantcn̈ej tas 'ay 'a 'ix, c'uxn schon̈l 'ix yuj sremel cha. Palta ma'ix b'ox xon jac sc'ojl 'ix yu'uj, ton̈j 'ix wach' niwtj syailal 'ix cha.

A Scarta San Pablo D'a Eb' Aj Colosas 4:14

Ax Lucas tic, atn doctor, caw chamc'ojlb'il cujec, yet' Demas, tic tzya't eb' stzatzl e c'ojol.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.